(TMZ) – E grupo mas grandi globalmente lo mester pone un pausa na nan carera pa un aña y mey pa sirbi den e ehercito Sur Koreano.
Embahador di Sur Korea na Great Britain a haci esaki hopi cla. Miembronan di e banda di genero K-Pop, BTS, tin e mesun obligacion cu tur hende, un obligacion di proteha nan pais. Tin bon motibo di preocupacion actualmente, mirando cu Noord Korea a bira super agresivo y Kim Jong-Un a bira menos stabil, recientemente lansando un misil cu por carga daño nuclear si e pais desaroya e tecnologia.
Sur Korea ta rekeri hombernan di 18 pa 29 aña sirbi den ehercito pa por lo menos 18 luna. E embahador a bisa “Nos ta spera cu tur homber Koreano sirbi e pais y e miembronan di BTS ta ‘rol model’ pa varios generacion hoben di Korea.” E no a duna un tempo exacto tocante ki tempo e grupo lo ser yama pa cumpli cu nan responsabilidad.
Esaki ta trece back na mente e storia di Elvis Presley, ken durante e punto mas halto di su popularidad den añanan 50 a drenta ehercito di Merca. El a logra bolbe back na su carera despues pero no na e nivel cu e tabata prome.
