(NLTimes) – Dos miembro anterior di e asociacion di pedofiel cual a ser prohibi Martijn, a keda sentencia na 4 y 6 luna den prizon pa corte na Rotterdam riba diamars.

Corte a considera cu a keda comproba cu nan a continua e club di pedofiel pa añanan largo despues cu e Corte Supremo a prohibi esaki den aña 2014. Un tercer sospechoso, Nelson M. Di 24 aña di edad biba na Lelystad, probablemente lo keda asigna na Huesnan nobo den su caso criminal pa causa di algun eror pa e corte di districto na Rotterdam.

Segun e huesnan, “activista pedofiel” Marthijn U. Di 49 aña di edad y Nobert de J. Di 43 aña di edad di Hengelo a “glorifica contacto sexual entre adultonan y muchanan” y “no a duna importancia” na e consecuencianan dañino di esaki riba varios sitio web, archivo di video y un revista digital cu nan a crea. Nan ta ilustra muchanan di un manera sexual.

Cu esaki, e dos personanan a haci precisamente e mesun cos cu e asociacion prohibi Martijn a haci, segun e Huesnan. “Nan no a cumpli cu e veredicto di corte.” Sentencia pa U. ta 2 luna mas halto pa motibo cu el a hunga un rol prominente segun Corte. Ministerio Publico (OM) a demanda e sentencia maximo di 1 aña contra di ambos, sinembargo corte a haya esaki un sentencia hopi pisa. El a papia tocante “ideanan impactante, castigabel y socialmente indeseabel” pero a nota cu e “ideanan aki no por ser compara cu abuso di muchanan ni na encurasha esaki.” Hues tambe a señala cu ni U. ni De J. tabatin conviccion criminal relaciona cu actonan sexual anteriormente.

OM tambe a demanda un aña contra di Nelson M., sinembargo su veredicto lo bini den e dianan binidero. Huesnan nobo probablemente lo keda asigna na su caso despues cu corte accidentalmente a publica un veredicto unda cu a anula cargonan contra di M. riba diamars despues cu su abogado a duna su defensa. Corte na Rotterdam a bisa cu nan ta lamenta profundamente e eror aki. Huesnan lo retira, y e otro 3 Huesnan lo culmina M. su caso.

M. ta na Mexico actualmente unda cu el a aplica pa asilo politico. E organisacion Free a Girl a lansa un peticion pa preveni esaki. M. no por reclama ningun derecho di e publicacion pa motibo cu e veredicto no a keda firma ni declara.