(CuracaoChronicles)—Miembro parlamentario pa e faccion di MFK, Ramón Yung, a expresa su preocupacion durante un reunion dia 24 di april tocante e introduccion di e florin Caribense y a declara cu e ta kere cu mester tin un evaluacion nobo riba e introduccion aki of riba e dolarisacion di e economia di Curasoleño.
Segun Yung, ta necesario pa reevalua cua opcion ta mas ideal pa e pais. Institucionnan manera Banco Central y e Ministerio di Economia, tumando na cuenta cu e desaroyonan den geo-politiconan, mester conduci investigacion y produci rapport anual riba e posibel impacto cu e devaluacion di e dollar por tin riba e economia di Corsou.
Ta sumamente importante pa studia e consecuencianan di e introduccion di un moneda nobo of e transicion pa dollar. E decision pa introduci un moneda nobo, esta e florin Caribense pa Sint Maarten y Corsou, a wordo menciona na 2006, pues tin rason valido pa conduci un estudio nobo, considerando cu e paisahe financiero y economico di Corsou y di henter mundo a experencia cambionan grandi den e ultimo 17 aña.
Pa un momento importante asina manera e introduccion di e florin Caribense, e Ministerio di Asunto Economico (MEO) y Banco Central (CBCS) mester traha riba un posibel plan di emergencia. Esaki ta necesario, ya cu paisnan den BRICS y hasta Europa kier ta menos dependiente riba e dollar Mericano. Esaki por tin consecuencianan financiero, economico y geo-political pa Corsou. P’esey ta crucial pa CBCS y MEO conduci investigacion y produci rapport publico y aviso riba e posibel consecuencianan cu e devaluacion eventual di e dollar por tin riba e economia di e isla.
Ta importante pa ambos e gobierno y parlamento evalua e asunto aki cuidadosamente y mita cua opcion ta beneficia e pais mas. Ta importante pa subraya cu, mirando e situacion financiero actual di e pais y e efecto riba e economia di Corsou, e decision pa cambia moneda mester ta basa riba data y investigacion.
