Microsoft ta haciendo cambionan grandi na su practicanan pa investiga kehonan na pia di trabou, despues cu un grupo di trahado femenino a comparti storianan di discriminacion y acoso sexual.
CEO Satya Nadella a manda un carta pa empleadonan tocante e cambionan dialuna.
Nadella ta bisa e compania ta incrementando servicionan di sosten pa trahadonan cu ta bisa nan a experiencia mal comportamento, incluyendo un ‘Team di Defensa di Empleado’ nobo, pa yuda guia empleadonan durante e investigacion.
E ta bisa Microsoft tambe lo rekeri training di inclusividad pa tur su casi 16,000 manager, pone guianan disciplinario nobo y mas consistente, y crea mas transparencia tocante e resultado di investigacionnan.
E cambionan ta yega despues di un cadena largo di email cuminsa luna pasa pa empleadonan compartiendo storianan personal di experiencianan cu mala conducta. Esey a hala atencion di ehecutivonan top.
E carta di Nadella pa empleadonan a wordo reporta prome pa e noticiero Quartz.
