Microsoft ta bay lansa Windows 11 dia 5 di october; Ta bay ofrece Windows 11 como un upgrade gratis

(TheVerge) – Microsoft ta anunciando cu ta bay lansa Windows 11 dia 5 di october. E sistema operacional nobo ta bay ta disponibel como un upgrade gratis pa computernan Windows 10 eligibel, of riba hardware nobo traha cu Windows 11 precarga.

E upgrade gratis na Windows 11 ta bay ta disponibel cuminsando dia 5 di october, pero manera cantidad di upgrade di Windows den pasado, e ta bay ta disponibel den fase. Ta bay ofrece aparatonan eligibel nobo e upgrade prome, y despues Windows 11 ta bay ta disponibel pa mas aparato den mercado den e siman- y lunanan despues di 5 di october.

“Siguiendo e lesnan tremendo for di Windows 10, nos kier sigura cu nos ta dunando bo e miho experiencia posibel”, segun ta splica Aaron Woodman, manager general di marketing Windows na Microsoft. “Nos ta spera pa ofrece Windows 11 na tur aparato eligibel pa mita di 2022.”

Riba computernan existente cu Windows 10, Windows Update ta bay informa hende na momento cu e upgrade ta disponibel pa Windows 11. Tambe por check si bo computer ta eligibel pa e upgrade na Windows 11 mediante Windows Update of e PC Health Check app dedica di Microsoft (actualmente den preview).

Mientras cu e lansamento di Windows 11 ta bay ta riba dia 5 di october, no tur di e caracteristicanan anuncia ta bay ta disponibel. Microsoft ta treciendo appnan Android na Windows 11 den asociacion cu Amazon y Intel, pero e caracteristica aki no ta bay ta disponibel riba dia 5 di october. Un preview di app Android riba Windows 11 ta bay ta disponibel pa Windows Insiders den proximo lunanan, sugeriendo cu probablemente no ta bay ta disponibel pa tur usuario di Windows 11 te 2022.

Microsoft a clarifica su rekisitonan di sistema minimo pa Windows 11 siman pasa, pero tambe a revela un opcion pa esnan cu no ta cumpli cu nan. Por instala Windows 11 riba cualkier hardware usando un metodo ISO tanten cu e computer tin un procesador 64-bit 1GHz cu dos of mas core, 4GB di RAM, 64GB di storage, y un chip TPM 1.2. Pero si bo ta usa e opcion aki, bo computer ta bay ta den estado ‘sin sosten’. Esaki ta nifica cu por no haya acceso na Windows Update of patches di seguridad.

Si bo computer no ta completamente compatibel cu Windows 11, Microsoft ainda ta dunando sosten pa Windows 10 te 14 di october 2025. No ta cla cuanto update mayor Microsoft ta bay lansa pa Windows 10 durante proximo cuatro aña, sinembargo. Un update 21H2 ta yegando pa usuarionan di Windows 10 mas laat e aña aki, cu ta inclui sosten GPU compute den e subsitema Windows pa Linux (WSL), mehoracionnan pa Windows Hello, y sosten di seguridad WPA3 H2E Wi-Fi.