Micron ta anuncia reduccion di gasto cu retiro di empleadonan a causa di disminucion den demanda pa chip

(AP) – Micron lo reduci su forsa laboral cu 10 porciento y lo tuma otro medidanan pa corta gastonan mirando cu e fabricante di chip pa computer ta luchando cu demasiado producto den medio di un disminucion den demanda.

CEO di Micron Sanjay Mehrota a anuncia cu lo restructura durante un conferencia cu inversionistanan diranson, notando cu e prijs pa e productonan a deteriora “significantemente” den lunanan recien, stacion di television Boise a reporta na KTVB.

E compania lo corta e empleadonan cu 10 porciento durante aña 2023 via retironan voluntario y pa medio di kita hende for di trabao segun documento cu a entrega na Securites and Exchange Commission. Bonus di empleadonan tambe lo ser suspendi proximo aña y salarionan ehecutivo lo ser reduci pa e resto di e aña fiscal 2023 cual ta core te cu augustus, e compania a declara.

Boise, e compania basa na Idaho, tin mas o menos 48,000 distribui den mas o menos 38 ciudad na Norte America, Europa y Asia, incluyendo mas di 5,000 persona den Boise. E no a anuncia unda e retironan aki lo tuma luga.

Den september, Micron a anuncia cu nan lo inverti 15 biyon te cu fin di e decada na un planta di semiconductor nobo cu Boise tin plan di construi, unda lo tin mas o menos 17,000 trabao Mericano. E siguiente luna, e compania a anuncia cu lo crea otro planta na New York, primintiendo un inversion di termino largo di 100 biyon dollar y un planta cu lo crea 50,000 trabao pa e estado. E restructuracion no ta premira di afecta e plannan aki.

Na e tempo aki, Mehrota a bisa cu e inversionnan a ser haci posibel pa CHIPS and Science Act di 2022, un proposicion di 280 biyon dollar cu tin e meta di contraresta competencia di Merca cu China. E ley a pone na un banda 52 biyon dollar pa mehora y motiva e industria di semiconductor, cual a lucha pa fabrica e chipnan cu ta duna funcion na varios diferente dispisitivo, pa causa di problemanan den e cadena di suministro relaciona cu COVID-19.

Sinembargo den lunanan recien, e compania a mira un disminucion dramatico den demanda. Volumennan pa computer personal y smartphone a disminui den aña 2022, Mehrota a nota. E compania mas tanto ta crea dos tipo di chip; NAND, cual ta spaar data ora kita electricidad for di e dispositivo, y DRAM, cual mester di electricidad pa retene data.