Un anochi mi ruman a yama mi y bisa mi cu e tin un sorpresa pa mi, cu el a lage na cas pa ora mi yega mi lo tope. Kibrando cabez kico e lo ta ma habri porta di camber y suas, dos wowo berde ta capta mi atencion pero mi no ta wak bon pasobra e ta tras di un sliding door ma sende e luz y bai na e porta y mi no por a kere, e dos wowonan tutu ta pertenece na un puppy. Mil cos a pasa den mi cabes pasobra mi no tin manera pa cuida un puppy tampoco di e rasa aki. Pero e ta asina sweet e ta bula bin cumindami lembe mi mannan y e tabata bula di alegria. Su wowonan ta echt di un bunita berde shinishi.

Mester bai papia cos serio cu mi ruman pa di prome mi cura no ta adecua pa tene un cacho y pio di e rasa aki cu por lo menos mester tine mara. E tin responsabilidad pa mi por cumpli cune, mi no tin e tempo tampoco pa dedica na dje pasobra mi ta un persona cu ta drenta y sali di cas cada rato. Mi trabou ta exihi hopi dimi. Un rasa manera pitbull bo no por djis hinke den auto cubo y bai hasi bo respondinan cune.

Hopi aña atras mi ta corda cu mi ruman a trece un di e mesun rasa cu esun aki, pero ya el a bin cune basta grandi y e tabata hasi desaster den cas. E tabata ranca klechi di cama y lagele na werki y bo no por a lage pafo pasobra e ta coi caya y Dios sa kico lo por a pasa cune si esey pasa. Un biaha el a subi riba cama ora mi tata tabata drumi y e tabata rek e kusinchi cumi tata ta usando pa drumi, ata mi mama a core bai wak kico tabata pasando cu mi tata tabata zundra bai gol, lugar e cacho no kier a laga e kusinchi los y spons a spaart tur caminda. Mi mama a duna mi ruman un zundra y mi ruman mester a pase pa un otro persona cu sa trata e tipo di cachonan aki.

Mainta trempan ma sali bai wak si tur cos ta bon cu e puppy mi ruman tambe a lanta e ora pa hasi e cura limpi, mi a sali bai busca cuminda y coi bebe y algun coi hunga pa e cacho. Ora ma yega Michi tambe a yega y e susto cu e pober a haya. Ma pone awa y cuminda pa Michi manera di costumber e puppy ya tabatin su cuminda y awa sirbi. Pero e puppy ta chikito y curioso y kier a introduci su mes na Michi. Ami y mi ruman a sinta wak e show di cerca. Michi comiendo su cuminda no a ripara e puppy cu a yega cerca.

Michi a dal un bula y lanta su pootje dilanti cla pa slap e puppy. Michi a wak mi cu un cara mientras mi tabata hariele y den esey e puppy a haya chens pa sniff Michi su atras y mi no ta gañabo e wowonan di michi a dal habri y cuminsa tira tur dos pootje riba e pober cacho cu kier a djis cuminde y bira su amigo. Mi ruman a core gara e puppy pa scape di e garanan di Michi, y a hinkele den su hoki pa asina Michi por come trankil.

E cacho ta hopi sweet y tutu pero mi no tin tempo pe y mas cu esey mi cura no ta apto pa un cacho asina. Aworaki e ta chikito e no ta sali pero ora e crece vooral cachonan macho ta gusta coi caya y mi tin miedo cu un hende por horte bai cune. Nos a pensele bon y nos a conclui cu e puppy mester bai. E lo haya mihor cuido cerca otro doño. Porta nos por drecha e cura un dia y asina nos por busca 2 of 3 cacho mes.

Mi ruman a post e potret di e puppy y ni un par di minuut a pasa ya un hende a presenta y mi ruman conoce y sa cu e ta trata su cachonan miho cu su pareha. Y esey cu e ta echt stima su pareha. E sa con pa anda cu e rasa di pitbull pasobra e tabatin uno mescos cu esaki algun aña atras.

Michi a keda cu resentimiento, e no ta yega cerca mi manera su custumber. Manera e cla di come ta yega cercami keda caricia mi pianan y e ta pone su cabez riba mi pia y cu su pootjes e ta brasami. E biaha aki el a cana bai na su spot favorito y reflexiona riba e dia. Mi ta sigur e lo tabata planeando pa castigami y/of kibra algun cos den cas pero e mester a realisa cu si e hasi algo porta e no lo haya mas coi come ni coi bebe.