Michele Obama ta cla pa lansa su sosten completo tras di Joe Biden dilanti di miyones di pantaya, yamando e un homber decente mientras a lansa tiro na presidente Trump.
E DNC a revela un porcion di e discurso di ex-prome dama pa e Convencion Nacional Democrata ayera nochi. El a pre-graba esaki pasobra tur cos ta realisa virtualmente e aña aki, y den e clip, e ta elogia Biden como un homber di fe cu lo bisa e berdad y confia ciencia.
E nunca ta menciona nomber di Trump, pero e referencianan ta claro – e presidente ta acusa frecuentemente di no kere cientificonan, manera Dr. Anthony Fauci of Dr. Debora Birx, acusa di gaña, y absurdamente a bisa cu Joe Biden kier ‘herida Dios’.
Michelle ta custuma di tuma atencion na e DNC, e tabat’ey apenas cuatro aña pasa, y a duna un discurso sosteniendo Hillary Clinton.
Bo por corda cu Michelle a duna e palabaranan famoso aki na e convencion di 2016: “Ora nan bay baho, nos ta bay halto.” Ta keda pa mira si e lo entrega otro tema den e discurso e aña aki.
Ex-gobernador di Ohio, John Kasich, un republicano, ta spera di adresa e DNC, y un ex- oficial senior di administracion bou Trump a duna sosten na Biden ayera, bisando cu el a mira Trump haci cosnan ‘espantoso’ como hefe ehecutivo.
Gobernador di New York, Andew Cuomo, ex- candidato presidencial Amy Klobuchar, gobernador di Michigan Gretchen Whitmer, y senador Bernie Sanders tur ta spera di subi escenario tambe.
E anfitrion di e festividad ta Eva Longoria.
