Un lector por pensa cu temanan di international innovation, inteligencia artificial y pensamentonan di Silicon Valley ta informacion leuk pa sa, pero con relevante esaki ta pa mi persona? Un tema sumamente relevante y hopi menos filosofico cu un Paretotopian Society ta con pa reduci gastonan pa ciudadanonan na Aruba den e dia di awe. Dus “right now”. Pa esnan biba na Aruba ta uso di coriente.

Den e columna aki mi ta presenta e resultadonan di mi inversion pa haci mi cas energiezuinig.

Mi lo mustra cu pa relatief tiki inversion por haya resultadonan cu ta impresionante. Nos lo mustra cu nos a usa e mesun metodonan cual a splica den mi articulonan di Innovacion, namelijk pa inverti prome den proyecto cu ta chikito pero cu Return-on-Investment halto. E placa cu ta spaar cu esaki ta reinverti y asina ta crea un spiral “self-reinforcing” di spaar & inversion. En fin nos lo tambe nota cu haci un cas energiezuinig ta hisa su balor y por tin beneficionan masivo pa comunidad di Aruba en general.

Fase 1: Airco Zuinig & Verf Dak Blanco

Den e prome fase di mi experimento na mi mesun cas a reemplasa mi airco cu tawata mas cu 7 aña bieu, cu un nobo cu un SEER2 rating halto y nos a laga verf e dak riba e camber blanco.

Usando mi data di ELMAR pa e periodo di zomer cayente por nota cu na aña 2023 (prome cu e inversionnan) entre Juni pa September nos consumo di coriente tawata 832 kWh/luna den su averahe pa e periodo di mas calor. Entre Juni y Juli 2024 cu e airco nobo y un dak geverf cu anti-solar white paint. Nos consumo en averahe a baha pa 554 kWh/luna pa e periodo di calor. Esaki ta un diferencia di mas cu 33% riba e consumo di coriente.

Fase 2: Insula Plafond

Den e prome fase nos por wak cu den e periodo di zomer ta spaar mas o menos 97,- awg/luna cu un inversion di 1.100,- awg pa e airco + labor y 400 florin pa verf e dak blanco. Cu e data aki a sigui inverti den haci e camber cu airco mas zuinig door di laga insula e plafond cu sheetrock y fiberwool insulation. Den e periodo entre October y December 2023 nos a consumi un averahe di casi 719 kWh/luna na coriente. Usando e data di e Smart meter awo nos consumo averahe di 2024 pa e periodo comparabel ta rond af 480 kWh/luna. Tambe kier nota cu awo nos ta drentando e periodo menos calor y usando data di e Smart meter nos consumi ta bayendo den direccion di solamente 410 kWh/luna. Dus usando e data presenta ta calcula cu ta spaar mas o menos 860 florin pa aña si nos extrapola e data pa un aña completo.

Spiral Positivo di Spaar & Inversion

E parti cardinal di tur esaki ta pa keda reinverti loke ta spaar den otro aspectonan cu tambe lo por rende. Siguramente e no ta e idea pa tuma e besparingen y den un ehempel ilustrativo bay hunga na casino en/of bay restaurant tur siman. Usando un analisis hopi amplio di United Nations publica den Lancet na 2022, nos por nota cu letterlijk e inversion mas potente cu por wordo haci ta pa instala un ceiling fan den e camber cu tambe tin airco.

Balor di Cas ta Hisa

Hopi importante pa menciona, usando dataset di Hulanda cu ta mustra den manera hopi duidelijk cu mas energiezuinig un cas ta mas hopi balor e tin tambe riba mercado. Den averahe e diferencia ta un porcentahe halto di 7.2% riba e balor di un cas. Esaki ta den area di 40.000 florin di diferencia. Dus siguramente tur e inversionnan aki tin su ventahenan directo di baha gasto di coriente den dia di awe pero tambe indirecto di hisa balor di un propiedad./

Conscientisa Pueblo

Kier a dedica un parti chikito di e columna aki pa indica duidelijk cu si por ehempel uitkering di pensioen lo hisa of loonbelasting lo baha. Cu e ta keda e responsabilidad grandi di esnan cu lo haya mas ruimte financiero pa usa esaki den e manera mas consciente cu ta posibel. Pensa di inversion manera menciona di haci un cas energiezuinig. Of te hasta inverti den un sistema di Solar Panel, cu tambe probablemente e gobierno nobo lo kier stimula cu subsidionan. Asina por reduci gastonan den manera duradero pa cada ciudadano.

Tambe e impacto riba full nos pais lo ta enorme, nos lo baha nos gastonan na fuel oil, esaki lo yuda cu e “Current Account” di e pais cual lo proteha e balor di e Florin. Tambe lo tin mas fondonan disponibel pa consumidornan cu lo tin spill-overs hopi positivo pa nos economia.