Ayera mainta Sr. Jan de Ruijter tabata tin un hoorzitting den e caso cu minister di enseñansa Sra. Michelle Winklaar-Hooyboer. Aki lo a trata e decision pa “seponeer” e caso, di cual sr. de Ruijter a entrega un keho na Corte pa revoca e “seponering” y asina lo trata e caso (keho). Pero sr. de Ruijter no ta contento cu e resultado.
“Mi reaccion ta cu Ministerio Publico tabata hopi laf y malo,” el a bisa Bon Dia Aruba. Mientrastanto ora cu e mester a trata su defensa, Ministerio Publico a indica cu e no ta admisibel como civil. Pa por a sigui riba su defensa, el a bisa nan no solamente como civil el a entrega un keho contra minister Winklaar-Hooyboer. E keho cu a wordo entrega, el a haci esaki tambe como president di Nos Ta Aruba y escritor di Solo di Pueblo.
Fecha hala
Aunke cu el a entrega keho como president y escritor, asina mes Ministerio Publico a declara cu Sr. de Ruijter no ta admisibel como civil. Pa e motibo ey a hala e fecha te cu dia 1 di februari proximo. Prome cos ta cu nan mester bay trata ta e defensa unda cu e mester ta admisibel, despues di esaki e ora e caso contra di minister Winklaar-Hooyboer lo tuma luga.
Caso contra Oduber si tabata admisibel
Esaki ta un movecion hopi malo y laf di Ministerio Publico, Sr. de Ruijter ta haya. “Durante mi caso contra minister Oduber nunca nan a bisa cu mi no ta admisibel,” el a sigura Bon Dia Aruba. Ora su caso contra minister Otmar Oduber, e tabata admisibel y e caso por a wordo teni. Pero e biaha aki diripiente Ministerio Publico ta bisa cu su persona no ta admisibel. “Esaki ta hopi straño, y esaki a pone mi rabia,” e ta sigui bisa.
.jpg "JZP ta un departamento pa henter Aruba “Nos no ta traha a base di sentimento, nos ta traha a base di ley”")
