WILLEMSTAD – Recientemente den un comunicado si prensa e partido di mas grandi di oposicion den parlamento MFK, a adverti cu e medidanan di austeridad anuncia pa e gobierno traves di minister di Financia Kenneth Gijsbertha, lo causa cu collapse financiero.
Segun e partido su lider politico cu actualmente ta cumpliendo un sentencia di 3 aña Gerrit Schotte, tabata advertiendo e gobierno tocante esaki desde 2013.
“ Awe, 6 aña despues, no por tuma nota di loke nos lider tabata bisando. E gobierno ta for di control tocante e financia publico , tin un presupuesto cu no ta balansa, crimen ta sigui aumenta y cada dia ta bira mas violento y tin un pobresa notabel den e bisindarionan”, esaki ta locual e partido ta bisa den e comunicado.
Cu e medidanan austeridad solamente pa satisface Hulanda y e comite di Supervision Financiero CFT, e gabinete di Rhuggenaath n o lo aumenta e calidad di bida na e isla. E medidanan aki lo ta devastador tanto pa e clase trahado como pa esunnan cu ta biba bou e linea di pobresa.
“ Si implementa e medidanan aki, Corsou lo conoce un porcentahe mas halto di pobresa. Solamente lo tin rico y pober. E bida di personanan lo keda negativamente afecta”.
E partido di oposicion tambe ta acusa e gobierno di gasta ma di locual nan ta gana. Nan ta bisa cu esaki ta causa real di e situacion financiero actual.” Awo e gobierno ta pensa cu nos , como pueblo mester paga pa loke nan a haci cu e financia publico”.
E partido a termina su comunicado di presa pidiendo e minister Kenneth Gijsbertha pa scucha varios sector den e comunidad , cu ta bisa cu e medidanan aki lo no trece un solucion.
