(AP) — Soldad y marinier Mexicano a confisca un ton di pildo di fentanyl den dos accion den nort, cu oficialnan yamando e e catch mas grandi di e opioide sintetico den historia di pais.
E accion ta yega despues di un caida skerpi den confiscamento di fentanyl na Mexico anteriormente e aña aki, y dianan despues cu presidente-electo Donaldo Trump a menasa di impone tarifa di 25% riba productonan for di Canada y Mexico a menos cu e paisnan aki tuma accion contra e fluho di migrante y droga a traves di e frontera.
Oficial top di seguridad Mexicano a bisa cu soldad y marinier diamars laat a mira dos homber cargando arma den estado nort di Sinaloa, sede di e cartel di droga cu mesun nomber. Nan a persigui e hombernan, kende a core bay den dos cas. Den un cas, soldadnan a haya como 660 libra di fentanyl, y den e otro un truck yen cu como 1,750 libra di e droga, principalmente den forma di pildo.
“Na Sinaloa, nos a logra e confiscamento di mas grandi den historia di fentanyl,” secretario di Seguridad Publico, Omar Garcia Harfuch a skirbi riba su rednan social. Tambe a confisca varios arma y a aresta dos homber.
Presidente Mexicano, Claudia Sheinbaum a bisa ayera cu “esaki ta un investigacion cu tabata andando pa algun tempo caba, y ayera el a duna fruto.”
Pero su declaracion ta contraresta cu e naturalesa aparentemente no vincula di e accion, cu a cuminsa cu un patruya militar “a nota e presencia di dos homber cargando loke tabata parce di ta arma.”
Den pasado, forsanan di seguridad Mexicano tin biaha a usa e storia di sigui hombernan arma coriendo den casnan como un pretexto pa drenta cas sin orden di hues. Den al menos un caso, e version di gobierno a keda desmenti pa imagennan di camara di seguridad.
E confiscamento mas recien tabata notorio pasobra confiscamento di fentanyl na Mexico a reduci dramaticamente den prome mita di aña. Na algun punto durante berano, bao ex-presidente Andres Manuel Lopez Obrador, forsanan federal a reporta confiscamento di cantidadnan di apenas 50 gram pa siman. Cifranan di prome mita di 2024 ta mustra cu forsanan federal Mexicano a confisca apenas 286 libra di fentanyl na henter e nacion entre januari y juni, un reduccion di 94% for di e 5,135 libra confisca na 2023.
E opioide sintetico ta culpa pa alrededor di 70mil morto pa sobredosis anualmente na Merca y oficialnan Mericano a purba di aumenta esfuerso pa confisca esaki mientras e ta yega na e frontera, hopi biaha den forma di pildo di contrabanda fabrica na Mexico for di kimiconan precursor importa en gran parti for di China.
Lopez Obrador semper a rechasa cu ta produci fentanyl na Mexico, maske experto – y hasta miembro di su propio administracion – a reconoce cu esaki ta e caso.
Tambe diaranson, Departamento di Estado Mericano a anuncia cu tabata aumentando e recompensa pa e lider top di otro cartel, Nemesio Oseguera di $10 miyon pa $15 miyon.
Oseguera, conoci pa su apodo “El Mencho”, ta lidera cartel di Jalisco, cu manera Sinaloa, ta involucra pisa den manufactura y distribucion di fentanyl y metanfetamina.
