(NTN24) – E captura di un narcotraficante cual Merca a pidi pa su extradicion, a provoca tiramento intenso, blokeonan di camindanan y kimamento di autonan na Nuevo Laredo, Mexico, esey a causa cu e ceramento di consulado Mericano na e ciudad aki, segun loke autoridadnan y testigonan a informa.
Enfrentamento entre sicarionan di Cartel di Noreste y forsanan di siguridad a cuminsa diadomingo den oranan di anochi y a extende te dialuna mainta na e ciudad aki frontera cu Merca, despues di e aresto di e hefe di e grupo criminal ey identifica como Juan Gerardo Treviño alias “Huevo”.
“A traha di manera conhunto cu Merca, ta un golpi grandi”, minister a agrega mientras cu embahada Mericano na Mexico a publica varios alerta na su ciudadanonan y a anuncia e ciere di e consulado “te proximo aviso”.
“Mi a plantia nos preocupacionnan grandi y grave riba e incidentenan aki y siguridad di nos empleadonan na e Gobierno di Mexico, cu ta coordina di manera estrecho cu nos y e despliegue di tur nos recursonan necesario pa garantisa seguridad di nos personal” den un comunicado di prensa embahador Mericano Ken Salazar a declara.
Otro episodionan di violencia a tuma luga caba pa loke Merca a ordena e ciere di servicionan consular na estado di Tamaulipas, na unda Nuevo Laredo ta ubica.
Secretaria di Defensa dialuna ultimo a informa cu Treviño a ser aresta despues cu varios homber di su grupo a tira na un truck militar cu tabata patruya contra e crimen organisa na un bario di Nuevo Laredo di casi 425.000 habitante.
Ministerio no a reporta ni persona herido ni morto.
Treviño ken a ser deteni cu algun di su hendenan tabatin dos arma di candela como tambe tin un pedido di extradicion di Merca pa narcotrafico y labamento di placa, ademas di orden di captura di Mexico pa homicidio y terorismo, segun loke secretaria a bisa.
A agrega cu e traficante aki ta lider di Cartel di Noreste y di un grupo di sicarionan cu ta opera na cinco estado di e pais.
