(AP) – Daniel Davila tabata sa cu e kier bira un diablo cu 12 aña di edad. E ta prepara su costume simannan prome cu e celebracionnan di Dia de los Muertos na San Agustin, Mexico, unda famianan ta subi caya dia 1 di november pa recorda con morto por ta mesun bunita cu bida.
Den e estado di Oaxaca, unda e homber di 33 aña ta biba, “muerteadas” ta forma parti di e festival di varios anochi y localnan ta considera esaki parti di nan identidad. Cada celebracion ta diferente for di un bario pa otro, pero mayoria ta sali for di e mesun misa principal, unda participantenan y musiconan ta canta pa duna honor na nan santonan local. Despues di esaki, boluntarionan manera Davila ta tuma parti den un representacion teatrico, unda un spiritista ta trece un homber morto back na bida.
Davila su rol, di e diabel, ta un personahe cu ta purba convence e homber resucita pa sigui su persona. Entre e personahenan y otro caracternan tin un pastoor, un dokter y un homber bieu ken su yiu muhe ta casa cu e homber resucita. “Mi a participa den muerteadas desde kleuter,” Davila a expresa, agregando cu “mi ta stima esaki pa motibo cu e ta un tradicion cu ta ser pasa di generacion pa generacion.”
E ambiente di muerteadas ta uno cu humor pa participantenan y e audiencia hunto. Tur caracter ta papia den versonan y dialogo cu ta yen di e comunidad su redo y satira politico. Aunke tin un guion pa guia e actornan, ta premira cu lo tin hopi improvisacion. Asina cu e actuacion caba, e anochi ta sigui cu un procesion dirigi pa un banda. Hendenan ta baila, bebe mezcal y bishita bisiña te ora cu e celebracion caba na e santana e proximo dia.
“E ta un momento hopi special pa motibo cu muerteadas no ta solamente baila y bebe,” Davila a splica. “E ta un momento pa comparti loke por duna nos alegria den momentonan dificil.”
