(El Universal) – Autoridadnan Mericano a nenga un recurso di habeas corpus na Joaquin “El Chapo” Guzman, cu cual tabata busca anula e huicio cu a hay’e culpabel pa narcotrafico.
Corte Federal Districto West di New York a detaya cu e capo “ta cumpli un condena di bida largo”, segun medionan Americano a señala.
Loke ta nifica cu “su sentencia di bida largo ta sigui firme.”
Abogadonan di e narco a argumenta un trato inhusto di parti di fiscalnan y iregularidadnan den su extradicion di Mexico pa Merca, entre otro.
Bao e recurso di habeas corpus, “El Chapo” mester a demostra cu a viola su derechonan constitucional y cu su huicio tabata diferente.
Na comienso di 2022, Corte di Apelacion di Circuito Segundo di New York a confirma e condena di e Mexicano, dicta 18 di juli 2019, ora e rechasa e apelacion haci pa su abogadonan, cu a bisa cu tabatin 10 eror legal durante e huicio contra su cliente.
Entre e supuesto foutnan, a sigura cu e condicionnan di su aislamento a obstaculisa e preparacion di e defensa pa e huicio of cu e huradonan no a cumpli nan promesa di no sigui e huicio a traves di cobertura mediatico.
Guzman Loera ta cumpli su condena na Supermax, un prison di maximo seguridad na Colorado.
