(NTN24)—Na comienso di juni, e administracion di Texas, un di e estadonan unda tin inmigrantenan ta crusa frontera, a inicia un plan contra e medidanan di Gobierno Federal Mericano na e frontera zuid.
E medidanan fuerte a cuminsa cu e construccion di un “muraya” traha di boei flotando den e riu, segun Gobernador Greg Abbott. Den su prome etapa, e muraya ta midi rond 300 meter den largura, y depende riba e areanan, su profundidad lo ta aproximadamente 1.80 meter.
E muraya “anti-inmigrante” aki a causa un ola di critica y acusacionnan contra e gobierno di Texas, cual a viola e politica di inmigracion di Gobierno Federal Mericano. Awo, Mexico a drenta den e discusion. Via e Comite Internacional di Limite y Awa (IBWC), e pais a conduci “trabao di midimento di e baricada di boei instala pa Gobierno di Texas den e awanan di Rio Grande.”
Segun Gobierno Mexicano, e implementacion di e liña flotando “ta viola dos trato internacional,” y como resultado, el a manda un nota diplomatico pa Gobierno Federal di Merca. Via e nota, Mexico a ordena un mision di expertonan tipologo pa determina di e frontera maritimo aki entre e dos nacion ta respeta. Aunke ainda no ta conoci di e informacion obteni por ser decisivo, e data lo ser manda pa oficinanan central di IBWC den Ciudad Juárez, Chihuahua.
