Gobierno di Mexico diasabra ultimo a bisa cu a evacua 10 Mexicano di e ciudad Chines Wuhan, epicentro di e epidemia coronavirus.
“Ta trata di tur persona den e ciudad ey cu te na e momentonan a solicita e apoyo aki di Gobierno di Mexico”, e canciyeria Mexicano a bisa den un comunicado.
E dependencia a informa cu a realisa e evacuacion cu apoyo di Gobierno di Francia, aunke no a specifica e tipo di ayudo cu nan a ricibi.
A agrega cu e pasaheronan lo yega prome na teritorio Frances, na unda ‘lo sigui e protocol sanitario estableci pa e autoridadnan di e pais ey’.
“E Mexicanonan lo continua ricibi asistencia tanten su proximo regreso pa Mexico”, el a agrega.
Algun pais a manda avionnan pa e zona den cual e epidemia a cuminsa, pa repatria nan ciudadanonan, mientras cu otro a opta pa pone restriccion den entrada di personanan cu ta bin for di China.
