Gobierno di Andrés Manuel López Obrador a celebra e exito di su Ley di Migracion nobo pa e caida di un 36,4% di e migrantenan di Centro America cu ta drenta na Merca.
Nan ta ehecutando e ley aki desde 7 di juni pasa despues di e menasanan di Washington contra e ehecutivo Mexicano, ora el a sigura cu, si no lo controla e entrada di migrante, lo aumenta e impuesto di e productonan Mexicano.
Durante e 45 dia aki, e Gobierno di AMLO significativamente a aumenta su presencia den e frontera sur di e pais cu refuerso di e Warda Nacional nobo cu meta pa percura cu Merca no cumpli cu e menasa cu gravemente lo afecta e economia Mexicano.
E caravana di migrante ta un di e problemanan social, fronteriso y politico cu tin mas polemica durante e legislatura di Donald Trump. Miles di persona cu ta bin principalmente di paisnan afecta pa violencia y pobresa manera El Salvador, Honduras of Guatemala a atravesa Mexico den ultimo lunanan cu e obhetivo di busca un miho bida na Merca.
Esaki a genera un crisis humanitario y diplomatico den e zona y a aumenta e tension na frontera entre Merca y Mexico te e aplicacion di e ley aki. Pompeo a reconoce cu ‘e Ehecutivo actual a haci avance claro y a actua miho cu otro gobiernonan anterior’, aunke a adverti ‘cu ainda ta keda hopi pa haci’.
