Pa via di e presencia di e maribomba gigante Asiatico na Merca, Servicio Nacional di Sanidad, Inocuidad, y Calidad Agroalimentario (Senasica), a activa e vigilancia epidemiologico pa preveni e entrada di e especie exotico invasor aki, cu ta alimenta su mes cu abehanan, loke lo por pone den riesgo e ekilibrio ecologico y e produccion di honing na Mexico.
Den un comunicado, Secretaria di Agricultura y Desaroyo Rural (Sader), a alerta e personal tecnico di comitenan estatal di Sanidad Vegetal y di e comitenan di Fomento y Proteccion Pecuario na henter e republica Mexicano riba e yegada eventual di e insecto aki.
Senasica a puntualisa cu e proposito ta pa protege cerca di 43.500 productor apicola cu ta conta cu un inventario di mas di 2.172.000 colmena, destina pa e produccion di miel y polinisacion di cultivo agricola na e cinco regional productor di e pais: Altiplano, golfo, costa Pacifico, Norte y peninsula di Yucatán.
Senasica a señala cu maske e maribomba gigante Asiatico ta na mas di 2.500 kilometer di distancia di e teritorio nacional, ta importante pa ta alerta den e caso cu e lo yega na e pais, cu e fin di reacciona rapidamente.
Otro di e accionnan implementa pa Senasica ta instrui e tecniconan cu ta traha den e programa di vigilancia epidemiologico di direccion general di sanidad Vegetal y Salud Animal cu durante actividadnan den campo lo informa e productornan cu ta existi e rieso cu e maribomba lo pica e hende y animalnan. Su veneno ta hopi mas toxico cu esun di otro especie cu ta biba na teritorio Americano. Y debi na su grandura, paña di proteccion no ta suficiente pa evita e picadura di e Vespa mandarinia.
