(Infobae) – E estado di Sonora a habri fin di siman di manera violento den cual a registra e hallazgo di posibel restonan humano, cual ta keda bandona banda di caretera di San Luis Rio Colorado-Golfo di Santa Clara.
Segun reportahenan preliminar, e conductornan cu tabata circula e zona a mira cu tabatin un decena di cosnan lora den plastic bandona banda di e caretera, compaña cu un mensahe cu tabata firma pa un grupo di crimen organisa.
A avisa e autoridadnan local pa acudi na e sitio y nan a confirma loke a reporta. Tambe a informa cu e saconan tabatin segmento y restonan humano, pa cual a solicita e intervencion di fiscalia estatal pa asina realisa un investigacion tocante esaki y determina e causanan di morto.
Di manera extraoficial a señala cu e restonan posiblemente ta pertenece na por lo menos 3 victima, aunke autoridadnan no a confirma esaki te ainda y tampoco no ta conoce nan identidad. Na momento cu a logra localisa e mensahe, riba e imagennan comparti riba rednan social a mira cu e mensahe a keda firma pa “La Chapiza”, nomber di e grupo di sicario cu ta traha bao mando di “Los Chapitos”, e fraccion di e Cartel de Sinaloa cu ta lidera pa e yiunan di Joaquin “El Chapo” Guzman.
E mensahe aki tabata dirigi na generalnan Aguirre Serna, Carlos Quirarte, Ernesto Garcia, Gabriel Martinez y na vicealmirante Rodriguez Valnueva. “Mescos cu nan boso lo keda, djis sigui molestia na El Golfo, San Luis Rio Colorado y Sonoyta, y boso sa caba cu no ta un wega,” e mensahe a bisa.
E menasanan aki aparentemente a ser haci pa un suheto identifica como “El Comandante Pia”, ken su nomber ta haci un referencia na Samuel Ibarra Peralta, un di e operadornan maximo di La Chapiza den Golfo de Santa Clara. E sitio aki tambe tabata controla pa Jesus Aurelio Ibarra, alias “El Comandante Ibarra”, un di e obhetivonan principal di e autoridadnan di Sonora.
Den juni a detenia “El Comandante Ibarra” na un cas di siguridad ubica na Sonoyta, cual a nifica un golpi duro pa e grupo di Los Chapitos.
