(Infobae/EFE) – “Intelentes a surgi despues cu den mi trabao tabatin un persona cu debilidad visual y mi a haya interes pa detecta su necesidad”,e creador Daniel Martínez Macedo a conta.

“Cu ayudo di tecnologia, nos a busca con pa mehora e calidad dibida di e personanan aki, cu e meta pa nan por sa kico tin rond di nan, sin cu nan mester recuri na un tercer persona”, el a splica.

“Esaki por cambia  bida di eprsona cu no por, por ehemplo lesa un menu den un restaurant, o studiante pa nan por lesa texto academico”, e studiante di e facultad di ingenieria di  Universidad Nacional Autonomo di Mexico (UNAM), a indica.

 Eprototipo aki, cu a tuma poco mas di un aña pa desaroya, ta conta cu un camara di 8 megapixel, ademas di conexion cu internet, bluetooth, y su funcionamento ta di tempo real, cu cual ta tuma e aparato entre 3 y 5 seconde pa duna un respuesta na e usuario.

“E lensnan ta conecta cu internet y asina ta obtene informacion cu e ta decodifica y ta transmitina e usuario”, e ta splica.  Por conecta e dispositivo cu un red wireless o na e red di dato di un telefon celular, loke ta facilita su uso.

E ingeniero a splica cu te na e momento ey e proyecto aki ta trata solamente di un prototipo, y cu mester di un inversion di entre US$ 160.000 y US$ 268.000, pa construi e siguiente versionnandi miho calidad.

El a indica cu, si haya e financiamento, e prototipo final por ta un realidad den seis luna.  E costo calcula pa publico por ta entre US$ 160 y US$ 321.

Di acuerdo cu cifra di organisacion mundial di salud (OMS), na mundo tin 253 miyon persona cu tin un discapacidad visual, di cual 217 miyon ta sufri di manera modera o grave.

Te cu 2015 poco mas di 1.5 miyon persona tabata sufri di discapacidad visual na Mexico, segun e instituto nacional di estadistica y geografia (Inegi). Mientras cu81% di e personanan cuta ciego o tin un discapacidad visual modera o grave tin mas di 50 aña.

Entre e causanan principal di e problema aki tin:enfermedad (44,3%), edad avansa (36,7%), discapacidad desde nacimento (9,1%), un accidente (5,6%), violencia (0,2%) y otro causa (4,1%).

“E idea ta cu e proyecto aki lo tin un impacto den bida di e persona cu ta sufri di un debilidad visual, pa nan por tin un miho calidad dibida y mas posibilidad di inclusion”,segun Martínez Macedo.