(Infobae) – Algun dia pasa e Secretaria de Salud a publica un aviso epidemiologico tocante rabies humano, unda cu el a adverti cu a reporta casonan den e ultimo lunanan y pa motibo aki kier a alerta e poblacion en general.
A anuncia cu lo ta di importancia acudi na un medico di forma inmediato y den caso di enfrenta na e atake di cualkier bestia manera cacho, pushi of vleermuis entre otro. Pa motibo aki ta importante pa recorda con e rabies ta contagia y cual ta e sintomanan principal di un persona infecta.
Di acuerdo na World Health Organization (WHO) e enfermedad aki ta presente den tur continente y ta afecta mas di 150 pais. Tambe e ta responsabel pa e morto di por lo menos 60 mil morto pa aña na nivel global, y den mayoria di e caso un cacho ta e fuente di e contagio.
Un persona por infecta cu e virus via di contacto cu e skupi di un bestia cu ta infecta, un mordi no ta necesario pa esaki. Ta suficiente si e un huña, herida of kima drenta den contacto cu e scupi pa e persona keda contagia y e virus asina drenta e sistema nervioso.
Segun e alerta recien di e casonan di contagio detecta na Mexico, e prome situacion a ser detecta den un cacho na Sonora. A duna siguimento na 9 persona cu ta den contacto di riesgo cu e bestia contagia.
