(Reuters) – Miyones di tonelada di yerba di lama bruin cu mal holo ta wordo acumula na e beachnan di Mexico y ta menasando e aumento di turismo despues di pandemia di coronavirus, specialmente di bishitantenan internacional cu ta plania yega na e pais den temporada di zomer, segun loke e banco Spaño BBVA a bisa.
E sargassum, cu ta di colo bruin den awanan di e costa di Caribe y ta emiti un holo similar na awanan di pos ora ta yega na costa, a alcansa un maximo mensual historico na luna di juni di 24.2 miyon tonelada compara cu 18.8 miyon na mei, segun Universidad di Sur di Florida.
Esaki ta representa un “menasa importante”pa e recuperacion di turismo post-pandemia na e pais, particularmente na estado di Quintana Roo, cas di e destinacion dilanti lama como Cancun, Tulum y Playa del Carmen, segun analistanan di e banco BBVA a señala den un nota di investigacion.
E aumento di e yerba di lama a desafia esfuersonan diario di Armada di Mexico y di trahadonan local cu kier saca e yerba di lama y di e santo.
PIB di Mexico a sufri un golpi di un 25% na 2020 debi na pandemia, a pesar cu e pais no a cera su fronteranan. Na 2021, sinembargo, e sector a recupera casi na nivelnan prome cu pandemia, BBVA a agrega, pero a adverti cu e trayectorio ta na peliger si no ta controla e yerba di lama aki.
For di 2011, e yerba a plama den e zona y na henter e Caribe pa motibonan no conoci pa cientificonan cu no sa kico pa splica.
Investigadonan ta adverti riba diferente factor como:cambio climatico, presencia di awanan di pos, residuonan agricola y stof di Sahara.
