Un crimen nobo ta yena Mexico di conmocion, despues cu un pareha a confesa cu nan a asesina nan yiu di 4 aña, cu a muri despues di hopi golpi cu el a haya di banda di su mayornan.
E situacion a cuminsa dia 20 di september, despues cu Mexico a keda afecta pa un teremoto di 7.1, cu a obliga e famia aki pa cuminsa drumi den un bus cu e tata di e menor tabatin pa traha diariamente.
E homber tabata chauffeur di un bus, y su yiu a tira e placa afo cu el a haya durante henter dia di trabao, un situacion cu a produci hopi rabia cerca e tata di e menor aki y el a cuminsa golpia e mucha severamente, te cu el a muri, corant El Pais a informa.
Segun rapport forense, e mucha aki a muri despues di dos golpi, un di nan na su cabes y otro na su costiya, loke a produci contusion na su craneo y torax
E mayornan a tene e curpa di e mucha henter dia den nan autobus y despues nan a tir’e riba un caminda, unda nan tabata bibando anteriormente cu ta isola actualmente riba orden di autoridad.
