(infobae) – Integrantenan di Comision Nacional Unico Negociador (CNUN) di Coordinador Nacional di Trahado di Educacion (CNTE) a reuni ayera cu presidente Mexicano, Claudia Sheinbaum na Palacion Nacional riba e exigencianan entrega algun siman atras.
Durante su conferencia di mainta, e mandatario a bisa cu ta trata di e di dos encuentro cu lo sostene cu e magisterio disidente; por recorda cu dia 30 di october ultimo nan a reuni den sede di gobierno, unda nan a presenta nan exigencianan, manera entre otro, salario digno y husto, democratisacion di Sindicato Nacional di Trahado di Educacion (SNTE), y solucion pa e exigencianan local di e magisterio activo y pensionado.
Banda di e reunion cu CNUN a tene cu presidente Sheinbaum, maestronan di diferente seccion di CNTE a marca for di Angel de la Independencia na e Zocalo capitalino, unda nan a sostene nan dirigentenan. Ademas nan a pone trabao plat pa al menos e dia aki.
“Awe 9 di november nos a bolbe subi caya, nos ta sosteniendo e Comision Nacional Unico Negociador di nos Coordinador Nacional di Trahador di Educacion. Nos tin cita den Palacio Nacional cu presidente Claudia Sheinbaum. Ta dos of tres tema fundamental: uno, revocacion di Reforma Educativo Laboral; dos, revocacion di Reforma di ISSSTE di 2007; y tres, di salario,” segun profesor Pedro Hernandez, dirigente di Seccion 9 Democratico di CNTE.
Debi na e mobilisacion di maestro, varios caya y avenida tabata afecta.
