Tur cos ta indica cu presidente di Mexico, Andres Manuel Lopez Obrador, ta usando e prome añanan di su gobierno pa sembra e condicionnan pa hiba su pais na acepta un reforma fiscal.
Desde hopi tempo Mexico tabatin mester di cambio pa gobierno recauda mas entrada. Pero aumenta impuesto ta un decision impopular cu ningun presidente den e ultimo decadanan tabata desea di tuma. Mexico ta recauda actualmente apenas 0.8 punto di porciento di su GDP mas cu e tabata haya na 1883.
Den ultimo lunanan, sin embargo, algun decision di Lopez Obrador ta creando e condicionnan necesario pa opinion publico mes o di otro nivel di gobierno pidi e aumento di impuesto.
E tin un strategia bon calcula pero tambe cruel y cu ta trece riesgonan innecesario, manera e incertidumbre tocante seguridad medico pa miles di hende malo y pober.
Lopez Obrador ta eliminando cobertura di tratamento medico costoso, argumentando cu lo bolbe brinda nan ora tin mas recurso. El a kita empleo publico den varios institucion y tambe a reduci presupuesto di algun oficina di gobierno te na e punto di no por opera.
E medidanan di austeridad aki ta parce di traha caminda pa un reforma fiscal: No ta e ciudadano promedio so cu ta demanda energicamente cu su gobierno mester haya e manera pa soluciona problema y falta di servicio di e aparato gubernamental, pero ta haci cu eventual opositor di su plannan no tin argumento pa opone un reforma fiscal, cu mester duna gobierno bastante mas entrada.
Mexico tin un mal record den cobra impuesto na esnan mas rico. Gobierno federal ta cobra apenas !6.2% di GDP , menos cu Bolivia, Nicaragua, Honduras y hasta paraiso fiscal manera Bahamas. Origen di e problema tambe ta conoci. Partido Revolucionario Institucional (PRI), cu a goberna Mexico pa mas di 70 aña, dunando fabor financiero na elite economico.
