Amnistia Internacional na Mexico a inicia ayera su campaña #JuntasHastaLaVida, inspira na solidaridad entre muhenan riba e cifra halto di feminicidio den e pais, unda 10 muhe ta asesina pa dia.
E organisacion ta pretende cu e campaña aki, fundamentalmente basa na e generacion di consenshi a traves di rednan social, ‘haci un yamada pa alianza entre muhenan y pa exigi e estado tur cambio cu a priminti’, e director ehecutivo di e ONG na Mexico, Tania Reneaum Panszi, a splica den un conferencia di prensa ayera.
Ora e campaña a ser conoci, Reneaum a splica cu ta un yamado pa construi un aliansa entre tur e muhenan pa cambia bida y pa cambia mundo den un sentido mas husto y cu mas libertad.
E accion lo consisti den genera material audiovisual y duna e problema visibilidad, e lansamento di un wega riba Facebook, a activa e circulo di proteccion den cayanan y e propagacion di e mensahe mediante lider di opinion.
Di su parti, e presidente di Amnistia Internacional Seccion Mexico, Luz Marcela Villalobos Andrade, a insisti cu e campaña aki ‘ta prioridad’ pa motibo cu e number di muhenan victima di feminicidio a pasa di 9 cu tabatin aña pasa, pa 10 cada dia e aña aki.
“Si pa cada muhe cu a ser asesina e Estado a spaar den un spaarpot, lo mester esaki haci cada dos ora y mey”, Andrade a splica, y a agrega cu e ‘Estado no a cumpli cu su mision di proteha nos’.
P’e, e aumento di feminicidio a extende pa via di e impunidad cu ta existi na Mexico, e gobierno no a logra te e fecha aki, identifica, procesa y sanciona e personanan responsabel di e crimen aki, y no ta existi un proceso di reparacion di daño ni garantia di no ripiticion.
