Faltando casi un luna pa fin di aña, Jalisco a kibra su record anual di homicidio. Na 2018, e entidad a registra un total di 2.418 asesinato, sinembargo, na october di 2019 a supera e cifra ora a alcansa 2.428 caso, segun datonan di Secretariado Ehecutivo di Sistema Nacional di Siguridad Publico (SESNSP).
Den ultimo aña, Jalisco a haya e posicion como un di e estadonan cu mayor cantidad di homicidio, despues di Baja California y Guanajuato cu na e periodo di januari te october a alcansa 2,428 y 2,865 caso, respectivamente.
Sinembargo, segun e corant Reforma, e cifra lo por ta mas halto ainda, pues ta falta procesa restonan humano cu a haya den fosa clandestino.
Autoridadnan di estado a mantene reserva e hallazgo di september, ora nan a haya 138 saco den un fosa na La Primavera, Zapopan, na diesdos kilometer di e capital di Guadalajara.
Tambe ta pendiente e analisis di 54 seccion di curpanan localisa na un finca di e colonia Mirador, na Tlajomulco, na unda te diamars 27 di november tabata continua e buskeda di restonan humano. Tur di nan ta pendiente pa analisis genetico y antropologico, e trabou ta sigui acumula y segun e plataforma di Instituto Jalisciense de Ciencias Forenses, entre dia 19 di september di 2018 y diamars dia 27 di september ultimo, na mortuorio di e ciudad di tabatin 683 y resto sin identificacion.
Den comparacion cu Ciudad de Mexico y Nuevo León, Jalisco a supera grandemente e cifranan di homicidio. Entre januari y october CDMX a reporta 1,321 victima, y Nuevo León 767.
