E hefe di e unidad di delito financiero di Mexico kier entabla caso penal contra un total di 25 empresa y individuo presuntamente involucra den e despacho di alimento na beneficio di e programa di ayudo gubernamental na Venezuela.
A presenta denuncia penal contra e empresa y personanan na oficina di fiscal general di Mexico, segun Santiago Nieto, titular di e Unidad di Inteligencia Financiero (UIF) di Secretaria di Finanzas y Credito Publico di Mexico den un entrevista. Nieto a bisa cu a presenta tres acusacion, pero a nenga di duna mas informacion tocante e investigacion andando. E programa di ayudo alimentario di Venezuela, conoci como CLAP, tin practicamente e monopolio den alimento subsidia na Venezuela.
Mexico ta acusa e companianan di usa nan hafnan pa manda alimento di calidad abao pa Venezuela a traves di CLAP, unda a aumenta e prijsnan cu mas di 100% prome cu bendenan cu persona hambriento na e pais. Na october e division di crimen organisa di Fiscalia General di Mexico a anuncia un multa di US$3 miyon pa e companianan cu ta manda alimento pa Venezuela, pa resolve e acusacionnan di aumento di prijs. Nan mester a paga un multa na Agencia di Refugiado di Nacionnan Uni, ACNUR, como parti di un acuerdo na cual e empresanan a yega cu Fiscalia General. E responsable di e division na e momento ey, Alonso Israel Lira, a duna e nombernan di e cinco personanan so cu tabata den e acuerdo.
E detayenan clave di e acuerdo, incluyendo e nombernan completo di e companianan y nan principal ehecutivonan, ta keda seya pa orden hudicial. Desde april e cargamentonan tasali di Veracruz, Mexico, pa La Guaira, Venezuela. Gran parti di e alimento ta sali di e mesun empresanan Mexicano cu a suministra e envionan anterior y no ta conoci si nan tabata implica den e acusacion di Nieto.
