(Infobae) – Despues di paso di horcan Otis, cu a causa un impacto masha grandi mes na Acapulco dia 25 di october ultimo, Coordinacion Nacional di Proteccion Civil (CNPC) di gobierno di Mexico a informa cu e cifra di mortonan na Guerrero te ayera tabata di 39.

Di acuerdo cu datonan di Fiscalia General di Estado di Guerrero, ta trata di e fayecimento di 29 homber y 10 muhe, segun CNPC a duna di conoce a traves di un comunicado.

Otis, considera como un di e horcannan mas potente y desastroso cu a golpia e costanan di Pacifico tambe a laga 220 mil cas destrui y dañonan severo den 80% di e hotelnan.

Di acuerdo cu evaluacion di daño mas reciente, Otis, cu a drenta como categoria 5, esun di mas halto den Saffir-Simpson, scala cu ta clasifica e ciclonnan tropical basa riba intensidad di nan biento, ademas a provoca daño na 220.035 cas den e zona mas asota.

Pa loke ta trata energia electrico a informa cu tin 37 linea di transmision, 26 sub-estacion electrico y un central di generacion di coriente sin servicio, ademas di 10 mil palo di luz cu a cay.

Den e di tres dia di trabao den e zona di impacto, accion di gobierno Mexicano ta continua pa apoya e damnificado y recupera infrastructura. Pa esey, Secretaria di Defensa Nacional (Sedena) a anuncia cu, a traves di implementacion di un plan ta mantene e traslado di cuminda pa e hendenan afecta.

Entrega humanitario y accionnan pa haci e luga limpi cu implementacion di mashin pisa. Mientras cu Comision Federal di Electricidad (CFE) a anuncia cu a reestablece suministro di coriente di 55% di usuarionan afecta.

Gobierno di Mexico den coordinacion cu estado di Guerrero, a coordina e traslado di por lo menos 200 turista cu tabata pega den zona di impacto. Cu apoyo di aerolinea Aeromexico, Volaris y Viva Aerobus cu a hiba e personanan aki te Ciudad di Mexico.

CNP ta coordina esfuersonan pa agilisa accionnan di recuperacion y entrega di ayudo humanitario. Tin calcula e yegada di 40 ton di cuminda, cu ta bay ser hiba for di Ciudad di Mexico, despues di e recoleccion di diferente organismo no gubernamental.

Te ayera, Sistema di Alerta Sismico Mexicano (Sasmex) tabata presenta dañonan na 27 sensor di region di Ocean Pacifico, cu den caso di un temblor, e alerta pa preveni esey no lo sona.

Ademas seis pida di caretera ta cera debi na dañonan y caida di palonan, teranan a los y desbordamento di riunan.

Ta bay ta necesario pa detaya den censo e registro di dañonan den casnan y negoshinan, cu ta den man di Secretaria di Bienestar, e cual a cuminsa recore e poblacionnan di Lomas de Chapultepec, Barra Vieja, San Andrés, Plan de los Amates, Bonfil y Puesta del Sol, en el  municipio turístico de Acapulco.