(ElUniversal) – E dia cu lo a mester ta esun di mas bunita di su bida a bira un pesadiya pa un hoben na Sonora Mexico, ora el a perde su casa ora nan a caba di casa y tabata saliendo for di misa, su potret cu su shimis yen di sanger a bay viral riba rednan social.
E hechosnan a sucede diasabra di siman pasa pafo di e misa Nuestra Señora di Candelaria, unda e homber y su ruman a wordo ataca cu arma di candela.
Marco Antonio Rosales Contreras di 32 aña di edad, naci na Durango tabata bibando na Guadalajara, su ruman Michelle Adriana Rosales Contreras di 23 aña, tambe a resulta herido cu un tiro den su lomba y a wordo reporta como stabiel.
E homber tabata un ingeniero cu tabata labora den un compania na Jalisco y a yega na Sonora den oranan di mainta cu su mayornan y su ruman pa celebra e union eclesiastico cu un hoben di e ciudad.
Cerca di 5or di atardi, ora nan tabata sali for di e misa el a wordo agredi y alcansa pa varios impacto di bala, cu segun testigonan a wordo cometi pa un homber so.
Fiscalia General di Husticia di estado a cuminsa e investigacionnan corespondiente y te awor e motibo di e atake no ta conoci.
Fiscalia di Sonora a informa cu nan no ta descarta ningun linea di investigacion incluyendo esunnan cu ta wordo cita di fuentenan habri via rednan social.
E tragedia a alcansa e novia ken a resulta ileso, cu un crisis nervioso y su shimis blanco mancha cu sanger cu despues el a wordo retira di e luga pa su famia.
E homber a fayece ora e tabata wordo transporta pa hospital den un ambulance di Cruz Cora.
