(AP) — Explosion mainta trempan, aparentemente causa pa un tuberia di gas ilegal, a sacudi e ciudad central di Puebla ayera, matando al menos un persona, heridando diesun, y causando daño na decenas di cas, segun oficialnan estatal.
Gobernador di Puebla, Miguel Barbosa a bisa cu un yamada di emergencia advertiendo di holor di gas y nubia den e area a duna oficialnan al menos 80 minuut pa evacua alrededor di 2mil persona bibando hasta un kilometer leu di e leak prome cu e prome di tres explosion, cu a yega tiki prome cu 3am.
Oficialnan a bisa cu al menos 54 cas a keda destrui of daña den districto San Pablo Xochimehuacan, un ciudad di 1.7 miyon persona. Al menos dos di e heridonan ta den condicion critico.
Oficialnan tambe brevemente a evacua 37 pashent di un hospital cercano, pero esaki tabata back den servicio algun ora despues, sufriendo solamente daño menor, manera bentana kibra.
Barbosa a bisa cu team di rescate cu cacho tabata buscando mas posible victima, maske no tabatin reporte di persona desapareci.
Javier Gonzalez di e compania gubernamental Petroleos Mexicanos a bisa cu e tuberia aparentemente a keda instala riba un propiedad unda oficialnan a haya un tanker truck y 25 cilinder di gas. Otro banda di caya tin un compania di distribucion di gas.
Oficialnan a bisa cu 1,400 soldad, tropanan di Guardia Nacional, polis, bombero, y personal di rescate tabata trahando den e area despues di e explosion. Barbosa a priminti di ‘yega na e fondo’ di ken ta responsabel pa e explosion.
Presidente Andres Manuel Lopez Obrador a ofrece condolencia na e victimanan di e explosion. Na inicio di su administracion, el a actua contra ladronnan cu ta horta den tuberia di gas y gasolin – hasta cerando tuberianan mayor pa dehaci di ladronnan. Pero reportenan oficial ta indica cu na maart mes, Mexico tabata perde un averahe di 4mil bari pa dia di gasolin y diesel na hortamento asina, cual algun biaha ta cuida pa comunidadnan local cu ta mira nan como un recurso.
