(Infobae) – Jack Riley a indica na periodistanan Jesus Esquivel cu e carta di e cofundado di Cartel de Sinaloa ta e prome paso pa e pais no hib’e huicio.

Cu casi 3 siman desde su detencion, e co fundado di Cartel de Sinaloa, Ismael ‘El Mayo’ Zambada, tambe ta buscando bira un testigo protegi di Departamento di Husticia Mericano, despues di a ser deteni pa FBI na El Paso, Texas.

Di acuerdo cu Jack Riley, ex hefe di DEA, e prueba principal cu Zambada Garcia a busca evita completamente e posibel castigo di morto na cual e por keda sentencia ta e recien carta cu su abogado Frank A. Perez a revela.

Den entrevista cu e periodista Jesus Esquivel pa e revista Proceso, el a señala cu ‘El Mayo’ ta garantisa cu el a ser hiba contra su boluntad na un teritorio Mericano den un “cortina di huma” pa sconde e acuerdo cu e tin cu Merca. El a conta cu, di mesun manera cu su yiu homber Vicente Zambada Niebla, conoci como ‘El Vicentillo,’ ta trata di un di e criminalnan mas inteligente cu a yega di existi, pues e sa con pa negocia cu e pais.

“‘El Mayo’ tin cu bisa cu el a ser secuestra, di otro manera e lo mester enfrenta e acusacionnan cu ta implica den varios caso e pena di morto. Su yiu, ‘El Vicentillo’, lo a apoy’e den esey,” Riley a conta Esquivel.

“No lo tin huicio,” nan a adverti.

Dia 6 di augustus pasa, a conoce cu e awo ex lider di e tambe conoci Cartel del Pacifico lo ser hiba di Texas pa Brooklyn, cu e meta di trata su caso na Corte Federal di New York; e mesun corte unda a registra e huicio contra Joaquin ‘El Chapo’ Guzman, su socio principal.

Sin embargo, tanto Riley como Esquivel ta señala cu ‘El Mayo’ no lo yega huicio.

“Di mesun manera cu El Vicentillo, nan ta bay hibe y sace for di Corte durante un of dos aña. Despues, nan lo anuncia cu e ta un testigo protegi. E sa hopi; no lo tin huicio,” e agente estado unidense a adverti.

Esquivel a señala cu, si tin un persona cu tin idea di loke ta tumando luga den e caso di Zambada ta Riley. “E tabata number dos den DEA y e ta responsabel pa e hecho cu El Vicentillo a habri su boca pa gara El Chapo Guzman y Genaro Garcia Luna,” el a comenta.