Na medida cu Covid-19 ta avansa den mundo, e paisnan mester a implementa y adopta strategianan diverso pa purba stop e transmision di e virus nobo; no obstante, algun nacion no a logra resultadonan alentador, mientras cu otronan a logra stop cu exito e contagio y morto provoca pa e malesa.
Den e sentido aki, Bloomberg News a publica un articulo nobo tocante e ‘Ranking di Resiliencia’ cu a realisa a base di varios indicador, cu cual a analisa e 53 economia mas grandi di mundo y e medidanan cu cada un a tuma pa enfrenta e pandemia di forma efectivo.
E Ranking di Resiliencia Covid aki ta contempla e aumento di contagio, e tasa di mortalidad, e capacidad di distribucion di prueba, e sistema local di atencion di salud y e impacto di e restriccionnan relaciona cu e virus manera blokeo economico y e mobilidad di e ciudadanonan.
Na luga 53, es decir, e pio posicion, ta Mexico, ya cu di 12 rubro, nuebe ta den color oraño , loke ta nifica cu e medio a posiciona e pais como e pio luga pa biba den era di coronavirus.
E indicadornan cu Mexico a faya tabata resilencia cu 37.6; tasa di fatalidad cu 8.6%; morto pa miyon cu 782; positividad cu 62.3%; blokeo cu 72; mobilidad cu -26.1%; prevision di crecemento di Producto Interno Bruto (PIB) pa 2020 cu -19%; y cobertura sanitario universal cu 61 punto.
Prome cu Mexico ta Argentina cu resiliencia di 41.1; Peru cu 41.6; y Belgica cu 45.6.
Bloomberg a compara e paisnan Latino cu Merca y Alemania, ken a sigura tin e posibilidad di mehora nan capacidad di prueba y esun di dokternan pa atende e malesa; sinembargo, el a menciona cu e bentahanan aki no ta existi na paisnan Latino, ya cu ta e region mas devasta pa e pandemia.
Particularmente a referi cu na Mexico, e tasa di prueba disponibel ta di 62%, loke ta nifica cu e infeccion no detecta ta hopi extendi. Ademas, a señala cu e funcionarionan Mexicano a reconoce cu e cantidad di morto na e pais probablemente ta mas halto cu e cifranan oficial, debi na e pruebanan limita.
