(infobae)—Cu un retraso di casi un ora y mey, e discusion di un proyecto buscando pa decriminalisa abortus via un serie di reforma na e ocho seccion di e Codigo Penal di e estado a cuminsa den e Congreso di estado Puebla. Rond merdia, e propuesta a ser aproba en general y en particular.
E acceso di e diputadonan den e camara a ser stroba pa miembronan di gruponan “pro-bida”, ken a protesta na e entrada di e Congreso purbando di stroba e discusion di modificacionnan na articulo 339, 340, 341, 342 y 343 di e Codigo Penal, promovi pa e Comite riba Procuracion y Adminsitracion di Husticia di e Legislatura 61.
José Miguel Octaviano Huerta Rodríguez, vice presidente di e directiva di Congreso, a confirma cu e huicio a ser aproba den tur su terminonan, pues e lo ser manda pa e sector ehecutivo di e estado pa e reforma ser publica den e Gazeta oficial.
E regulacionnan den efecto te cu e sesion aki ayera a defini abortus como “e morto di e producto di concepcion na cualkier momento durante embaraso” y a impone un castigo di seis luna pa un aña den prizon “riba e mama cu voluntariamente a busca pa su abortus of a duna permiso na un otro hende pa conduci esaki.”
Kico e reforsa aproba ta bisa?
E iniciativa di decreto a discuti ayera ta propone un palabracion nobo di e articulonan referi y ta bisa cu “un persona ta comete e crimen di abortus si nan interumpi e embaraso despues di 14 siman di gestacion.” E castigo pa esaki lo ta un sancion di 15 dia pa dos luna di servicio comunitario.
Ademas, articulo 341 ta contempla e crimen di abortus forsa, cual ta ser cometi pa un persona cu ta interumpi e embaraso na cualkier momento sin e permiso di e persona na estado. Si un persona profesional conduci abortus forsa, ademas di e sancionnan describi, e persona responsable lo ser suspendi for di practica pa dos te cu cinco aña.
