Logra cu migracion ta mas cu un opcion, e ta un necesidad motiva pa crisis; esey tabata e mensahe cu e Comision Economico pa America Latino y Caribe (Cepal) a presenta den un plan di desaroyo cu lo purba frena e impacto di e fenomeno den e teritorio Centro Americano.
E iniciativa cu a surgi dia 1 di december pasa despues di e firma di otro propuesta migratorio apoya pa hefenan di estado di Guatemala, Honduras, El Salvador y Mexico, ta busca impulsa e construccion di un area di oportunidadnan pa calma e desplasamento.
E organismo a indica riba su cuenta di Twitter cu, pa afronta e migracion di miyon di persona indocumenta den ultimo lunanan, ta necesario cu mobilidad wordo trata como un asunto di siguridad humano y regional.
Segun Cepal, e motibonan principal pa cual e Centroamericanonan ta migra ta desempleo, violencia, desigualdad, crecemento di poblacion sin medida, y falta di asistencia na momentonan dificil, manera temporada di secura y inundacionnan.
Den materia di migracion, e cifranan ta cla. Por lo menos 362.000 hoben pa aña ta busca haya un trabou na un region den cual cada 12 luna ta habilita 127.000 plasa laboral, loke ta impulsa e buskeda di e ‘soño Americano’, pa bandona nan poblacion natal y bay rumbo pa Merca.
Pa reduci e impacto di esaki, Cepal a sigura cu ta rekeri di e aumento di inversion di casi 25%, ademas di e eliminacion di e privilegio fiscal pa esunnan mas faboreci, y e aumento di e recaudacion cu lo destina pa respaldo social y inversion publico.
