(Infobae) – Ayera diabierna den oranan di mainta a registra un explosion den un plataforma marino Mexicano di Petroleos Mexicanos (Pemex) na Nohoch-Alfa, Cantarell, Campeche. E siniestro a registra den area di 4 compresor y ayera e presidente di Mexico Andres Lopez Obrador a papia riba e tema aki.
Compania estatal Mexicano a manda cuatro barco pa combati e candela y a pone na disposicion un hospital pa atende e posibel personanan herido, ademas cu a retira e personal di e luga.
E explosion a sucede mientras tabata realisa mantenemento na e liñanan di gas, a evacua mas di 200 trahado di e plataforma. E explosion ta trata di controla, y den un comienso no a informa tocante victimanan mortal, ni personanan herido.
Riba rednan social, diferente persona a cuminsa papia tocante e accidente y a mustra videonan y potretnan di e explosion, e periodista Salvador Garcia a bisa cu aunke no tabatin un rapport oficial el a haya informacion cu tabatin varios persona morto y desaparecido. Trahadonan den area cercano a reporta via radio e explosion y candela den instalacionnan, testigonan a sigura cu por a wak e candela for di plataformanan mas leu pa loke nan ta considera cu e siniestro tabata di un magnitud considerabel.
E plataforma ubica na e asina yama Sonda de Campeche, ubica na 85 kilometer di Ciudad Carmen na Campeche, Cantarell, ta considera como e activo mas emblematico di Pemex durante añanan pa su explotacion di hidrocarburo y ta conforma pa un serie di camponan den area marino.
Di su parti, e presidente Lopez Obrador durante su conferencia di prensa diario, a papia riba e tema aki y a duna di conoce cu a registra un explosion den oranan di marduga na un plataforma di produccion di gas y ya caba tabata atendiendo e incidente, bomberonan di Pemex, cu ta Marina, tabata na e luga.
Petroleos Mexicanos mediante un comunicado a confirma cu tabata seis e personanan herido den explosion aki.
