E crisis sanitario Covid-19 a ocasiona un cambio den condicionnan pa conclui e ciclo escolar ultimo y pa aña escolar nobo 2020-2021, e condicionnan lo sigui igual cu les na distancia.
Pero e condicionnan di cada famia a cambia, pa motibo cu e pandemia a laga hopi persona sin trabou. E falta di recursonan economico ta un di e factornan cu Secretaria di Educacion di Estado di Mexico ta detecta cu lo genera cu studiantenan di nivel basico y medio lo laga scol, ya cu algun di nan lo tin cu bay traha pa contribui cu placa. Den otro casonan tin mayornan cu lo stop di manda nan scol, pa miedo cu lo contagia di e virus.
Alejandro Fernández Campillo, titular di Secretaria di Educacion estatal, a menciona cu na final di ciclo pasa, 10.000 studiante no a conecta mas na e lesnan online. El a agrega cu gobierno ta prepara un programa di ayudo pa esunnan cu pa condicion economico por bandona scol den e proximo ciclo escolar.
E cantidad di studiantenan den cifra real cu ta bandona nan scol, di acuerdo cu e dependencia estatal, lo keda conoci ora scol lo cuminsa y entre e motibonan cu e funcionario a menciona lo ta e crisis financiero y e miedo cu e muchanan lo contagia di coronavirus.
Ta destaca cu Estado di Mexico ta conta cu e matricula mayor di studiantenan na e pais, cu mas di 4.3 miyon, di e cual 3.3 miyon ta coresponde pa educacion basico (75%), 650.000 pa medio superior (15%) y mas di 446.000 pa nivel superior (10%).
Na nivel federal tambe a anuncia un serie di strategia pa evita un aumento den e cantidad di alumnonan cu por bandona scol y a descarta e posibilidad cu pa e ciclo escolar siguiente lo genera un abandono masivo.
