Secretaria di Salud (Ssa) diadomingo ultimo a informa riba avance di e jornada nacional di vacunacion contra e enfermedad di Covid-19.
Durante un conferencia di prensa, e dokter Christian Arturo Zaragoza Jiménez, director de Informacion Epidemiologico, a duna di conoce cu a perde 999 dosis di Pfizer-BioNTech desde cu a cuminsa cu e proceso na e pais.
Ademas di esey, el a detaya cu a wordo aplica 713.517 hangua te dia 7 di februari. Sinembargo, 75.836 persona so ta conta cu skema completo.
Di e total di vacuna cu a wordo asigna pa e 32 entidad federativo e dia 20 di januari ultimo, 29 estado a completa e aplicacion di e dosis, mientras cu Ciudad di Mexico, Coahuila y Nuevo Leon ta continua cu e proceso ainda, loke ta representa un avance general di 89%.
Den ultimo 24 ora a aplica 2.507 aplicacion. Di otro banda, pa loke ta trata personal educativo cu a wordo inmunisa contra Covid-19, e dependencia sanitario a informa cu ta suma 17.457 cu e prome dosis.
Na Mexico, 47 persona a presenta complicacionnan grave cu relacion cu e aplicacion di e vacuna contra Covid-19.
E funcionario a detaya cu aproximadamente 5.973 persona a presenta sintomanan leve despues di ricibi e vacuna. Di pashentnan cu complicacionnan severo (aproximadamente 1%), el a señala cu e promedio di edad a ubica na 38 aña, y cu e mayoria a wordo manifesta den hende muhe y cuatro so ta na hospital.
Di acuerdo cu informacion di Universidad Jhon Hopkins, e pais ta ubica na di tres luga na nivel mundial pa loke ta trata number di fayecido pa coronavirus, acumulando 166.200 den casi un aña di emergencia.
E entidad cu mayor ocupacion di cama di hospitalisacion general y cu ventilator ta Ciudad di Mexico, pasobra cu nan tin un saturacion di 80% y 76%.
