Di acuerdo cu e secretario di e Defensa Nacional, Luis Cresencio Sandoval, por bisa cu Mexico ta cumpli cu Merca. Segun e general, awe e pais tin 21.500 uniformado, cu na total ta dedica pa e ‘tareanan’ di control migratorio na su frontera.
Den concreto, e mapa di migracion Mexicano aki ta centra pa vigila e entrada desde Guatemala te Belice, su fronteranan sur, unda a desplega 2.000 unidad di Warda Nacional y otro 4.500 unidad di Ehercito y Marina. Den su discurso na Cancun, acompaña pa e presidente Lopez Obrador, Sandoval a sigura cu e operacion aki ta mesun cu esun cu nan ta cumpliendo na nort, ora nan tin na total ‘entre Warda Nacional 14.000 y Ehercito casi 15.000 homber’. Tur cu e obhetivo di para e fluho di migrantenan ilegal.
“Nos ta haciendo full cobertura na e frontera sur, y eynan nos ta contribui cu esfuerso di Instituto Nacional di Migracion (INAMI), cu awor tin e facultad pa haci detencion di persona”, e secretario a expone.
Cu e Warda Nacional ta participa cu e control migratorio di e pais ta parti di e acuerdo cu Mexico a yega cu Merca, dia 7 di juni pasa. AMLO tin e tarea di para e ‘indocumenta’ cu ta aspira yega te Merca den un plaso di 45 dia, como un contra medida, y stop e posibel sancion di administracion di Donald Trump riba nan producto. Un menasa pa Mexico, cu a su bes ta representa un menasa pa e migrantenan.
Mexico ya a anuncia cu si su plan faya, nan lo considera cambia nan ley pa ahusta na peticion di presidente Mericano. Mientras cu Merca ta insisti den compromisonan gradual, si nada mehora.
