Metaverso ta un mundo virtual den cual personanan lo conecta utilisando un serie di dispositivo cu ta haci pensa cu e personanan realmente ta den e metaverse. E ta bay ta manera un teletransportacion na un mundo nobo a traves di brilnan di realidad virtual y otro complementonan cu lo permiti interactua cune.
Mundo virtual no ta nada nobo y ta existi un cantidad grandi di nan, specialmente den sector di video games. E persona ta crea un personahe of un avatar, y ta drenta den mundo aki pa biba aventuranan a traves di un computer. Sinembargo, Metaverso no ta busca pa ta un mundo di fantasia, sino un especie di realidad alternativo, den cual lo por haci e mesun cosnan cu ta haci ora nan ta pafo di cas, pero sin sali for di camber.
E termino Metaverso ta bin for di un novela di 1992 di nomber ‘Snow Crash’, cu ta un termino utilisa pa describi vision di espacio di trabao tridimensional of virtual, den cual hende por interactua, y cu a ser crea pa parce un realidad externo.
Pa loke ta trata e concepto cu Facebook y otro empresanan ta tuma nan riesgo, e idea ta pa crea un universo paralelo y completamente virtual, den cual hende por haya acceso cu dispositivonan di realidad virtual y realidad aumenta, di tal forma cu usuarionan por interactua den dje y afo cu e contenido cu tin aden.
E clave di e metaverso aki ta cu hende por drenta den dje hopi mas compara cu loke ta trata realidad virtual. Si usuarionan ta usa bril pa drenta esaki, tin sensornan cu ta registra e persona nan movemento fisico pa asina e avatar den metaverso haci exactamente e mesun cos.
Tambe dispositivonan por interpreta expresionnan di cara, pa e avatar na metaverso por recrea e persona, di manera cu ora persona ta interactua cu otro por compronde kico e persona ta sinti.
Metaverso por ofrece un evolucion grandi di internet aunke te ainda empresanan como Facebook a cuminsa crea infrastructuranan y prome concepto cu lo hiba na un futuro unda tin dispositivonan cu ta capaz di por hiba e personanan aden.
Den su vision, Facebook ta spera cu metaverso lo por ofrece hopi oportunidad den e mundo fisico real, cu e posibilidad pa usuarionan crea nan mesun negoshi den dje, unda nan por cumpra desde un auto te hasta un apartamento di forma virtual.
Tambe por tin aplicacionnan practico como reunionnan di trabao den cual varios persona por comparti un oficina virtual ora nan ta conecta for di nan cas y no mester preocupa pa bisti un paña adecua pa asisti na e reunion.
Metaverso tambe lo por tin su mesun economia, cu algun tipo di moneda virtual, unda hende por cumpra cu placa real of haya ganashi di algun forma den interaccion cu ta ofrece.
Di igual manera, tambe lo permiti interactua cu usuarionan cu fisicamente ta leu di un manera mas realista, unda por papia sin importa for di na unda nan ta conecta, expresando loke nan ta sinti.
Na e momentonan aki metaverso solamente ta un concepto cu a cuminsa construi su mes, e compania Meta cu tabata conoci como Facebook a presenta e idea aki y a anuncia inversionnan fuerte pa esaki por bira real. Pero ainda falta pa mira si otro empresanan lo uni nan esfuerso pa crea tecnologianan cu lo hacie posibel.
Por mira con a crea dispositivonan nobo cu ta busca conecta cu e realidad virtual aki, e idea ta cu den futuro lo ta mas completo y cu prijsnan accesibel. Ainda ta falta mas tempo pa conecta cu e metaverso pa motibo cu ta falta desaroya un universo virtual y tambe tecnologianan cu lo hacie posibel pa conecta den dje.
Pero den e mundo aki, contenido, servicio y productonan ta digital y usuarionan por cumpra esakinan cu varios metodo. E transaccionnan cu lo por efectua den espacio virtual lo por afecta directamente e capital di e mundo real, esey ta nifica cu si ta existi atake cibernetico contra e producto of usuarionan, lo por afecta tambe e mundo real.
Esaki kiermen cu ora usuarionan ta haya un espacio virtual nobo como metaverso, e miedo di no sa kico lo por pasa ta mayor na e dañonan potencial cu por produci cu un mal funcionamento. Metaverso tambe por comete violacion di privacidad, por ehemplo, exposicion di identidad real di usuarionan of e secuestro di un cuenta, igual cu ta pasa den mundo real.
