Un dia despues cu a termina produccion di Galaxy Note7, Samsung a bolbe haci un yamado di aviso y ‘recall’ na Australia, avisando clientenan pa entrega tur e telefonnan cu ta potencialmente peligroso. En cambio clientenan ta ricibi un telefon nobo of nan placa bek. Samsung ta bisa cu nan ta tumando e pasonan ”pro activo y boluntario pa extende entrega di tur Galaxy Note7 na Australia, incluyendo esnan cu a wordo duna pa uza manera reemplaso.” Esaki ta bini despues di 5 reportahe unda Note7 ta aparentemente cende na candela riba su mes, incluyendo un caso unda te hasta mester a forsa evacuacion di un vuelo. Esaki a sosode algun dia pasa na Kentucky, Merca, biahando pa Maryland. Despues di e investigacion, a constata cu tabata e modelo Note7, locual e casa di e pasahero cu tabata tin e telefon tambe a confirma.
Fuente: NEWS.AU
