Dia 24 di september ultimo,  CAft a manda un carta pa gobierno di Aruba notificando cu a base di articulo 12 inciso 3 di e ‘Landsverordening Aruba tijdelijk financieel toezicht’ (LAft), nan a informa Conseho di minister di Reino pa duna un ‘aanwijzing’ na gobierno di Aruba.

Den e carta ta senjala cu “De overheidsfinanciën en het financieel beheer van Aruba zijn niet op orde.” Kiermeen cu finanzas publico ni maneho financiero no ta na ordo, locual ta un diep onvoldoende pa e minister di finanzas, cu ta parce di ta conta cu telraam, cu ta blo tuma medida contra nos hendenan, cu no ta scucha pueblo y ta comete blunder tras di blunder door di cual cada bes e tin cu cambia su decisionnan y hasta leynan cu pasa.

Tanto cu ministro di finanzas y e ministro presidente di e gobierno aki a grita den Parlamento den pasado pa critica gobierno anterior y a manda carta pa Hulanda cu e engaño cu tin mega debe pa asina trece Cft Aruba. A chercha ministro presidente anterior cu a mustra su malcontento pa cu Hulanda pa awor aki nan mes ta responsabel pa mal maneho financiero.
Awor aki pueblo por mira cu e gobierno aki a fomenta mentira riba gobierno anterior. A gana pueblo cu tin un mega debe y cu nan ta bay goberna sin debe, sin medida, cu menos minister, menos gasto y miho poder di compra. Sinembargo, e realidad ta totalmente diferente. Prome cos cu e gobierno aki a haci despues di eleccion tabata fia placa no pa paga e asina-yama mega debe, sino pa nan propio mega gastonan di biahamento, mega compra di autonan di luho, mega recepcionnan a la grandi, mega nombracion di tur nan famia y amigonan, hasta mega coordinadornan den persona di ex-ministernan. Esaki sin duna pueblo niun proyecto a cambio. Por cierto loke te ainda gobierno aki ta gaba cune ta proyectonan di gobierno anterior.
Awor aki nan a ser desenmascara pa e carta aki riba menciona.

E gobierno aki, specialmente e minister Presidente a gana pueblo, a gana Rijksministerraad, CAft, gobierno Hulandes, tambe a gana Parlamento y nan coalicion. A bisa e parlamentarionan di coalicion vota numa contra e ley di CAFt y toch nos ta ‘bekrachtig’ e y ora e minister Presidente a papia cu Knops, el a priminti’e cu e lo no ‘bekrachtig’ dicho ley. Aki e no ta ni respeta e poder cu Parlamento tin como organo di control. Pa gran sorpresa e parlamentarionan cu den prome instante tabata tiger a bira pushi lief y no a bisa nada.
Kiermen cu e hecho aki Wever -Croes ta demostra cu e ta un gran mentiroso y e parlamentarionan di awa dushi a lage sinta riba stoel di Parlamento. Esey kiermen cu de facto gobierno di Aruba ta parlamento tambe. Door e e sra. aki ta gaña asina hopi y tur hende tin’e door awor el a bira prizonero di su propio mentiranan. Ta lamentabel su cu e mentiranan aki tin nan consecuencia pa nos pueblo. Paso un aanwijzing su consecuencianan lo ta grandi. E man di gobernantenan lo wordo mara. Nan no lo por tuma decisionnan riba nan mes. Ambtenaarnan Hulandes lo manda riba gobierno y Parlamento. Ban spera cu esaki no lo mester sosode. Mientrastanto Wever-Croes cu segun e carta a haya diferente chens fo’i Hulanda lo mester busca terapia pa e cuminsa biba den realidad, stop di gaña papia berdad y habri su curason pa deseo di nos pueblo. E minister di finanzas lo mester laga otro hende haci su trabou pa evita desaster financiero. door di nan gobierno y e parlamentarionan di coalicion sin experencia awor di berdad nos ta core riesgo di perde nos autonomia financiero.

“De overheidsfinanciën en het financieel beheer van Aruba zijn niet op orde. Het land neemt onvoldoende maatregelen om tot duurzame verbetering van de overheidsfinanciën en een daling van de personeelslasten te komen. De afhankelijkheid van incidentele baten is te groot en de noodzakelijke hervormingen worden onvoldoende opgepakt. De schuld van Aruba is daardoor onnodig toegenomen. Het College Aruba financieel toezicht (CAft) voorziet diverse risico’s en acht aanvullende maatregelen noodzakelijk om te komen tot duurzame overheidsfinanciën, zoals beoogd met de LAft en het met Nederland overeengekomen protocol van 22 november 2018.”