(BBC) E Mericano Desiree Gibbon, di 26 aña di edad, a ser haya den mondi banda di un caminda isola, cu su garganta corta, segun su famia a declara. E tabata trahando como bartender pa spaar placa pa por bay un film college, segun su mama.
Polisa identifica e curpa, cu colaboracion di e famia, pero no a haci ningun aresto te awor y no a duna tampoco ningun motibo di e asesinato, di cual ta sospecha. Su curpa a ser haya ayera diadomingo na ciudad di Anchovy, varios miya aleha di e
resort turistico di Montego Bay, segun e website LoopJamaica.com cu a reporta e hecho prome.
E famia di Desiree Gibbon a acumula via crowd-funding mas di $22,000 online pa por biaha pa e isla pa reclama e restonan mortal, pa realisa entiero despues na New York. “Nos tabata hopi close, anto bo por imagina cu ora mi a haya e noticia, devasta no ta ni cuminsa describi esey,” e mama Andrea Cali-Gibbon ta conta New York Daily News. Tambe el a declara cu tabata trata di un hende cu e conoce, cu a logra pa e sali di su hotel.
