(AP) – Den un paso potencial den e lucha global contra e pandemia, trahado di medicina Merck a bisa riba diabierna cu su pildo experimental pa hendenan malo di COVID-19 a reduci hospitalisacion y mortonan na mita.

Si e ricibi aprobacion di reguladornan, e lo ta e prome pildo cu ta comproba di trata COVID-19, agregando un metodo nobo y facil di usa den e arsenal cu ya caba ta inclui e vacuna.

E compania a bisa cu pronto nan lo pidi oficialnan di salud na Merca y rond di mundo pa autorisa e pildo su uso. Un decision di Food and Drug Administration lo por bini dentro di siman, y despues di esaki, si e pildo ricibi e aprobacion, e lo ser distribui pronto despues.

Tur otro tratamento pa COVID-19 cu ta autorisa na Merca ta rekeri un inyeccion. Un pildo tuma na cas, den contraste, lo alivia hopi e presion cu tin riba hospitalnan y por yuda combati brote den futuro den partinan di mundo unda cu tin menos recurso, causando cu e pais no por costia e tipo di terapianan cu actualmente ta disponibel.

“Esaki lo yuda nos trata hopi mas persona, hopi mas lihe, y nos ta spera, cu un costo hopi mas abao,” Dr. William Schaffner a declara, ken ta un experto den malesa cu ta infecta na Vanderbilt

University cu no tabata inclui den e investigacion.

Merck y su socio Ridgeback Biotherapeutics a bisa cu e resultadonan den prome resultadonan a demostra pashentnan cu a ricibi e pildo, molnupiravir, dentro di 5 dia cu e sintomanan di COVID-19 tabatin mas o menos mita di e averahe normal di morto y hospitalisacion, compara cu esunnan cu a ricibi un pildo di control.

E estudio a inclui 775 adulto cu COVID-19 leve y modera, cu tabata considera riesgo halto di malesa severo pa cuasa di problemanan di salud manera obesidad, diabetes y malesa di curason. E resultado te ainda no ta revisa pa medio di expertonan externo, cual ta e procedura normal di investigacionnan medico.

Entre e pashentnan tumando molnupiravir, 7.3% di nan a keda hospitalisa of a fayece pa final di e periodo di 30 di, copara cu e 14.1% di e personanan cu a tuma e pildo di prueba. Despues di e periodo aki, no tabatin morto den e personanan cu a tuma e pildo, compara cu e 8 den e grupo di control, segun Merck.

E resultadonan tabata asina fuerte cu un grupo di expertonan medico cu ta monitoria e testnant, a recomenda para esaki tempran.

Ehecutivonan di e compania a bisa cu nan tin plan di entrega e datonan na e Food and Drug Administration den e dianan binidero.

Hasta cu e noticia di un posibel tratamento nobo efectivo, e expertonan a sigui enfatisa cu e ta sumamente importante pa vacuna, mirando cu e ta e manera pa por controla e pandemia, y nan ta yuda preveni e infeccionnan nobo, pero alaves ta reduci e riesgo di malesa severo den e personanan cu infecta.

Coordinador di coronavirus di e Cas Blanco Jeff Zients a bisa cu vacunacion lo permanece e gobierno su strategia principal den e lucha contra di e pandemia y pa controla esaki. “Nos kier preveni infeccion, no warda pa trata nan despues cu nan pasa,” el a bisa.

Dr. Anthony Fauci, e gobierno su autoridad mas prominente den malesa, yama e resultadonan di Merck “hopu bon noticia.”

Merck a conduci e estudio solamente den personanan cu no ta vacuna, pero reguladornan di Food and Drug Administration lo considera e autorisacion pa uso den un variedad mas amplio, incluyendo e personanan cu ya ta vacuna cu keda infecta y sinti sintoma di COVID-19.