(AP) – Un acuerdo di alto-el-fuego entre Israel y Hamas a ser confirma pa Merca y Qatar, poniendo un pausa na e guera devastador na Gaza y habriendo caminda pa decenas di rehen Israeli bay cas.
E alto-el-fuego ta trece speransa di trankilidad den e guera mas mortal y destructivo cu Israel y Hamas a bringa—un conflicto cu a destabilisa e region Medio Oriente y a causa protesta mundialmente.
Gruponan grandi di Palestino contento a subi caya na Gaza, gritando cu alegria y alivio. “Ningun hende por sinti kico nos ta sinti awor, un sentimento indescribibel,” segun Mahmoud Wadi na Deir al-Balah prome cu uni den e grupo di hende cantando.
E guera entre Israel y Hamas a resulta den 46,000 Palestino morto na Gaza, segun autoridadnan di salud den e teritorio. E ministerio di Salud no ta distingui entre combatiente y civil, pero ta bisa cu hende muhe y muchanan ta conta pa mas cu mita di e fayecidonan.
E guera entre Israel y Hamas a cuminsa dia 7 di october 2023, ora militantenan di Hamas a organisa un incursion den Israel y a mata aproximadamente 1,2000 hende y a secuestra 250 mas. Autoridadnan Israeli ta kere cu un tercera parti di e 100 rehen ainda na Gaza a fayece. E acuerdo di alto-el-fuego tambe ta inclui e liberacion di e resto di e rehennan.
