E tornado a aparece diripiente na Oklahoma, causando e morto di dos persona mientras e tabata destrui un motel, tambe un cas mobil na un parke, y otro daño den e ciudad, asina oficialnan a informa.
No a revela e identidad di e victimanan, ni detaye di con nan a muri, pero trabou di rescate ta tumando luga. Ta sospecha cu e tornado a aparece despues di un tormenta fuerte, segun meteorologo. E motel a keda destrui, auto kibra y metal den area destrui.
Ultimo siman ta yen di tormenta, tornado, awasero fuerte y inundacion. Tweety Garrison, di 63 aña di edad, a bisa cu e tabata riba su cel cu su casa y dos nieto ora cu e tormenta a dal. E ta splica cu di biaha el a bay riba suela. E ta splica cu e tornado a dura entre 5 pa 10 minuut.
Su yiu, Elton Garrison, 32, a bisa cu el a tende e sirena di tornado. E tabata falta 1 km pa yega cas ora su cel a zona, anto el a ripara cu ta su mama, pero su mama no tabata bisa nada. Ora cu e mama a bolbe yama, el a bisa ‘nos ta pega’.
El a yega wak cu e cas di su mayor tabata blokia cu material y otro trailer riba nan cas. El a cuminsa kita locual tabata strob’e pa por a drenta. “Mi mayornan tabata eyden cu mi dos yiunan. Mi tabatin miedo cu mi no por a saca nan lihe”, el a expresa.
Garrison a bisa cu su mayornan recientemente ta recuperando di a perde nan cas pa motibo di candela un par di aña pasa. “Awo esaki, pero ya, material por wordo reemplasa, bida no”, el a bisa ,expresando gratitud cu tur hende na su cas tabata bibo sin herida grave.
