(AP) – Merca a impone sancion diabierna riba centenares di agencia na Rusia alrededor di Europa, Asia y Medio Oriente, acusando nan di provee producto y servicio cu ta permiti Rusia su esfuerso den e guera y yuda su habilidad di evadi sancionnan.
Entre esnan sanciona pa e Departamento di Tesoreria tabatin 60 compania di defensa y tecnologia, incluyendo 3 compania tecnologico y financiero. Tambe sanciona tabatin agencianan na Turkia, Francia y Hong Kong cu ta actua como proveedor di Rusia Promtekh, un distribuidor di ekipo di transportacion y cua ta e red di procura conecta na ciudadanonan Italiano y Turco, ken ta enfrenta sancionnan tambe.
E anuncio ta bini un dia prome cu Ucrania su dia di independencia y cu forsanan Ucraniano su empuhe den Rusia su region Kursk.
Diabierna su accion tin e intencion di cumpli e compromisonan cu President Joe Biden a haci cu Grupo di Siete na Italia e zomer aki pa stroba Rusia su suministro militar y aumenta e gastonan pa su mashin di guera.
“Rusia a converti su economia den un herment pa duna servicio na Kremlin su compleho industrial militar,” Diputado di Tesoreria Wally Adeyemo a bisa den un declaracion anunciando e sancionnan. “Companianan, instutcion financiero y gobierno alrededor di mundo mester garantisa cu nan no ta brindando sosten na Rusia su cadena di suministro industrial-militar.”
Anteriormente e aña aki, Merca a aproba un pakete di sosten pa Ucrania cu ta permiti e administracion confisca bienes Ruso localisa na Merca y usa nan pa beneficia Kyiv.
Poco despues, e lidernan di G7 su democracianan rico ta acepta di crea un prestamo di 50 biyon dollar pa yuda Ucrania lucha pa su sobrevivencia. Interes genera riba ganashi for di Rusia su 300 biyon dollar den bienes di banco central mas tanto na Europa lo ser usa como colateral.
