(AP)—E administracion di Biden a anuncia dialuna cu el a impone restriccion riba visa pa casi 300 legislado Guatemalteco, lidernan di sector priva y nan famia cual el a acusa di “socava democracia y e estado di derecho.”
Guatemala ta enfrenta critico pa lidernan global acusando e pais di purba blokia e progreso di presidente-eligi Bernardo Arévalo pa tuma oficina na januari. E victoria di Arévalo y su partido Movimiento Semilla ta ser mira como un menasa pa esnan cu tabatin e poder pa basta tempo na Guatemala. E politico anti-corupcion a ser menasa pa varios luna, cu detencionnan di miembronan di partido, redada- y peticionnan continuo pa kita su inmunidad pa asina fiscalnan por investig’e directamente. E Departamento di Estado Mericano den un declaracion a condena “continuo accionnan anti-democratico” pa fiscalnan y otro actor y a nota e “intento pa delegitimisa e eleccionnan liber y husto na Guatemala y pa preveni transicion pasivo di poder.”
E departamento no a provee AP cu e nombernan di esnan cu lo haya restriccion riba visa. Den su declaracion, el a bisa cu e individuonan ey tabata “responsabel pa, of complice den” atake politico di e oposicion, intimidacion di manifestantenan pasivo, redadanan, habrimento di cahanan di balotage y kitamento di inmunidad di magistradonan electoral cu a certifica e eleccion.
Siman pasa, fiscal a alega cu un redada di oficinanan electoral a mustra cu resultadonan for di e votacion presidencial cu Arévalo a gana tabatin iregularidadnan y pa e motibo aki no tabata conta. Arévalo a acusa e fiscalia di busca pa socava su habilidadnan pa goberna, y a ser apoya pa un cantidad di entidadnan internacional manera e Organisacion di Estadonan Mericano y Union Europeo, cual a manda observadonan pa monitoria e eleccion y confirma cu votacion ta adheri na standardnan democratico.
E restriccionnan riba visa impone pa Merca probablemente a ser causa pa un serie di votonan congresional controversial na november. Un a ataca cuatro magistrado electoral, ken a bandona e pais despues. Un otro a aproba un presupuesto cu criticonan ta bisa lo stroba Arévalo pa cumpli cu promesanan di campaña mientras aumentando fondo pa oficinanan cu supuestamente a apoya atakenan democratico. Hefe di politica stranhero di UE Josep Borrell a bisa diabierna cu e bloke tambe tabata contempla sancion riba esnan purbando di cambia e votacion.
“E accion- y declaracionnan recien di e Ministerio Publico di Guatemala ta representa un intento pa rebeldia, lidera pa fiscalnan cu ta politicamente motiva,” manera Borrell a bisa den un declaracion. “Nan ta mustra disgusto pa e kier di ciudadanonan Guatemalteco.”
