Merca a lansa un atake militar contra gobierno di Syria, tumando accion contra e atake biokimico cu a tuma luga e siman aki riba ciudadanonan. Bao ordo di Presidente Mericano Donald Trump, barconan militar Mericano a lansa 50 misil ‘Tomahawk cruise’ den direccion di specifico basenan militar na Syria. Esaki ta e prome accion directo militar cu Merca a tuma contra e gobernacion di presidente di Syria Bashar al-Assad, den e bataya civil cu tin 6 aña andando den e pais. Esaki ta representa tambe un posibel escalacion di e campaña militar di Merca den e region, cual por wordo interpreta door di e gobierno di Syria como un acto di guera. Merca a cuminsa lansa ‘airstrikes’ den Syria na September 2014 bao di presidente Barack Obama como parti di su plan di coalicion contra ISIS. Pero solamente a ataka cierto gruponan terorista y no fuersanan arma di Syria.
Akinan un reportahe di CNN:
